Ихыркәшоуп "Аԥсны амедиа ҿыцқәа" аҩбатәи амодуль
21:22 28.11.2025 (ирҿыцуп: 23:08 28.11.2025)
© Sputnik / Марианна Кубрава
Анапаҵаҩра
АҞӘА, абҵара 28 - Sputnik. Ихыркәшоуп "Аԥсны амедиа ҿыцқәа" аҩбатәи амодуль. Уи алахәылацәа ргәаанагара Sputnik иацеиҩыршеит.
Адунеи аҟны амедиаиндустриаҿы ицәырҵуа атенденциа ҿыцқәа рдырра, ииашаны рхархәашьа, узанааҭ аҟны уҟазаратә ҩаӡара ашьҭыхра, апроектқәа реиқәыршәашьа, акгьы уацәымшәакәа угәҭакы анагӡашьа — абас рҳәоит "Аԥсны амедиа ҿыцқәа" алахәылацәа.
"Аҩбатәи амодуль аҿы узанааҭ аҟны ухы иаурхәаша маҷымкәа иҳадыргалоит, апрограмма уахәаԥшуазар. Апрограмма еишьашәалоуп, аки-аки хеибарҭәаауа имҩаԥысуеит. Иумоу ахықәкқәа зегь рынагӡараҿы иуцхраауа аусеицура бзианы имҩаԥысуеит", — ҳәа азгәеиҭеит Аԥсуа радио аиҳабы Адгәыр Гәынба.
Аԥсуа бызшәа арҵаразы ахатәы школ "Аихьӡара" аиҳабы Лолита Арӡынԥҳа инаҵшьны илҳәеит ари амодуль аҿы ишыддырҵаз иагьуа уадаҩра иақәшәаргьы, рыгәра аӡәгьы имгозаргьы, досу дызҿу аус дацәхьамҵкәа инаигӡар шилшо.
Гагратәи ателехәаԥшра аредактор Саида Жьиԥҳа лхазы иалылкааз иреиуоуп ишиашоу аефир аҟны аусушьа амаӡақәа.
"Иаҳҵаз рацәоуп. Ишиашоу ицо аефир мҩаԥысымгаӡацызт, убри аҟынтәи исоуз адыррақәа даараӡа ирацәоуп, схы иасырхәоит наҟ-наҟ", — лҳәеит лара.
"Аҩбатәи амодуль аҿы узанааҭ аҟны ухы иаурхәаша маҷымкәа иҳадыргалоит, апрограмма уахәаԥшуазар. Апрограмма еишьашәалоуп, аки-аки хеибарҭәаауа имҩаԥысуеит. Иумоу ахықәкқәа зегь рынагӡараҿы иуцхраауа аусеицура бзианы имҩаԥысуеит", — ҳәа азгәеиҭеит Аԥсуа радио аиҳабы Адгәыр Гәынба.
Аԥсуа бызшәа арҵаразы ахатәы школ "Аихьӡара" аиҳабы Лолита Арӡынԥҳа инаҵшьны илҳәеит ари амодуль аҿы ишыддырҵаз иагьуа уадаҩра иақәшәаргьы, рыгәра аӡәгьы имгозаргьы, досу дызҿу аус дацәхьамҵкәа инаигӡар шилшо.
Гагратәи ателехәаԥшра аредактор Саида Жьиԥҳа лхазы иалылкааз иреиуоуп ишиашоу аефир аҟны аусушьа амаӡақәа.
"Иаҳҵаз рацәоуп. Ишиашоу ицо аефир мҩаԥысымгаӡацызт, убри аҟынтәи исоуз адыррақәа даараӡа ирацәоуп, схы иасырхәоит наҟ-наҟ", — лҳәеит лара.
