ИАР атәылақәа рыбжьара акоммерциатә еилаӡарақәа - амилаҭтә валиутақәа рыхәҭа 96% иреиҳауп
14:10 22.12.2025 (ирҿыцуп: 14:40 22.12.2025)
© Sputnik / Александр Казаков/POOL
/ Анапаҵаҩра
АҞӘА, ԥхынҷкәын 22 - Sputnik. ИАР атәылақәа рыбжьара акоммерциатә еилаӡарақәа рҟны амилаҭтә валиутақәа рыхәҭа 96% иреиҳауп иҳәеит Владимир Путин.
"Наҟ-ааҟтәи аекономикатә операциақәа рымаҵ ауразы еиҳа-еиҳа активла ахархәара рымоуп аҳәаанырцәтәи абанктә системақәа ирхьыԥшым ахатәы ԥарашәаратә маругақәа. Аидгыла атәылақәа рыбжьара акоммерциатә еилаӡарақәа рзы аԥхьаӡарақәа рҿы амилаҭтә валиутақәа рыхәҭа 96% еиҳахахьеит", — абас аҳәамҭа ҟаиҵеит Путин, Санкт-Петербург имҩаԥысуа ИАР атәылақәа иформалтәым рсаммит аҿы данықәгылоз.
Урыстәылеи ИАР атәылақәеи 2025 шықәса жәамз рыҩнуҵҟа ртауареикәыршара $90 млрд рҟынӡа артәеит ҳәа азгәеиҭеит иара.
Аидгыла аԥхьагылаҩцәа иформалтәым рсаммит традициала имҩаԥысуеит ԥхынҷкәынмза анҵәамҭазы. Аусмҩаԥгатә иалахәуп Урыстәыла, Ермантәыла, Белоруссиа, Ҟазахсҭан, Киргизиа, Таџьикистан, Туркмениа, Узбекистан рхадацәа. Сынтәа иусураҿы ӷәӷәала дахьеилахо иахҟьаны асаммит далахәӡам Азербаиџьан ахада Ильхам Алиев.
"Наҟ-ааҟтәи аекономикатә операциақәа рымаҵ ауразы еиҳа-еиҳа активла ахархәара рымоуп аҳәаанырцәтәи абанктә системақәа ирхьыԥшым ахатәы ԥарашәаратә маругақәа. Аидгыла атәылақәа рыбжьара акоммерциатә еилаӡарақәа рзы аԥхьаӡарақәа рҿы амилаҭтә валиутақәа рыхәҭа 96% еиҳахахьеит", — абас аҳәамҭа ҟаиҵеит Путин, Санкт-Петербург имҩаԥысуа ИАР атәылақәа иформалтәым рсаммит аҿы данықәгылоз.
Урыстәылеи ИАР атәылақәеи 2025 шықәса жәамз рыҩнуҵҟа ртауареикәыршара $90 млрд рҟынӡа артәеит ҳәа азгәеиҭеит иара.
Аидгыла аԥхьагылаҩцәа иформалтәым рсаммит традициала имҩаԥысуеит ԥхынҷкәынмза анҵәамҭазы. Аусмҩаԥгатә иалахәуп Урыстәыла, Ермантәыла, Белоруссиа, Ҟазахсҭан, Киргизиа, Таџьикистан, Туркмениа, Узбекистан рхадацәа. Сынтәа иусураҿы ӷәӷәала дахьеилахо иахҟьаны асаммит далахәӡам Азербаиџьан ахада Ильхам Алиев.
