Гагра Араионтә еизара адепутатцәа 2026 шықәсазтәи абиуџьет шьақәдырӷәӷәеит.
14:49 24.12.2025 (ирҿыцуп: 15:06 24.12.2025)
Анапаҵаҩра
Гагра Араионтә еизара адепутатцәа 2026 шықәсазтәи абиуџьет шьақәдырӷәӷәеит.
Иара иартәоит 1,36 млрд мааҭ. Уи ииасуа ашықәс азы аасҭа 146 млн рыла еиҳауп, 2020 шықәса аасҭа хынтәи бжаки рыла еиҳауп ҳәа иҳәеит Аизара ахантәаҩы ихаҭыԥуаҩ Баҭал Берзениа.
Аҿыцрақәа рҟынтәи – ареспубликатә биуџьет аҟынтәи араион ауааԥсыра ироуа аԥаратә цхыраагӡақәа шә-процентк рыцҵара азԥхьагәаҭоуп: ахшара рацәа змоу аҭаацәарақәа, зхала иҟоу анацәа, Афгантәи аибашьра аветеранцәа, Аԥсны Аџьынџьтәылатә еибашьра аинвалидцәа. Уи аус иазоужьхоит 18,8 млн мааҭ.
Иара убасгьы 2026 шықәсазы абиуџьет аусзуҩцәа руалафахәқәа шьҭырхуеит, Урыстәыла зуалафахәқәа зцыршәогьы уахь иналаҵаны.
