Актиор Андреи Хорошев иԥсыжра ҟалоит ажьырныҳәа 6 рзы
18:20 05.01.2026 (ирҿыцуп: 21:15 05.01.2026)
© Sputnik / Леон Адлейба
Анапаҵаҩра
АҞӘА, ажьырныҳәа 5 - Sputnik. Актиор Андреи Хорошев иԥсыжра ҟалоит ажьырныҳәа 6 рзы ҳәа Sputnik иазеиҭеиҳәеит Аԥсны Ажурналистцәа реидгыла ахантәаҩы Руслан Ҳашыг.
Хорошев Аҟәатәи аԥсыжырҭаҿы анышә дамардоит. Аԥсы ихаԥхьара мҩаԥгахоит асааҭ 13:00 рзы Михаиловтәи аԥсыжырҭаҿы иҟоу Иҳақәиҭу Иеиҭакратә Аныхабааҿы, алахьеиқәратә митинг иалагоит асааҭ 14:00 рзы.
Аныхабаа гылоуп Аҟәа араион Иашҭхәа ақыҭаҿы.
Актиор Андреи Хорошев 67 шықәса дшырҭагылаз дҭахеит Аԥсны, ауаҩы дшеиқәирхоз. Аԥсыбаҩ аҭҵаара ашьҭахь иԥсра зыхҟьаз еилкаахоит.
Андреи Хорошев — асоветтәии урыстәылатәи арежиссиор, актиор, асценарист, ателемҩаԥгаҩы. Иара деицырдыруа дҟалеит афильмқәа "Доктор Живаго", "Боец", "Адмиралъ" рҟны инаигӡоз арольқәа рышьҭахь.
Хорошев диит рашәара 29 1959 шықәсазы Москватәи аобласт аҿы. Иара акыраамҭа Иакутиа дынхон, аха аҵыхәтәантәи шықәсыки бжаки Аԥсны дынхон, аус иуан. Апрограмма "Аԥшааҩцәа" амҩаԥгаҩс дыҟан, уи аҳәаақәа ирҭагӡаны Аԥсны иазку адокументалтә фильмқәа ԥшьба ҭыхын, Аԥсуа баарыԥхрақәеи аӡиа Риҵеи ирызку ахәҭақәагьы уахь иналаҵаны.
Андреи Хорошев Аԥсны афильмқәа рҭыхра игәы иҭан — аҳаирплан амаҵзуҩы Надежда Курченко илызку, аҭоурыхтә проектқәа жәпакы, уи адагьы, иара иҭахын атәылаҿы акинои ателехәаԥшреи рышкол аартра.
Хорошев диит рашәара 29 1959 шықәсазы Москватәи аобласт аҿы. Иара акыраамҭа Иакутиа дынхон, аха аҵыхәтәантәи шықәсыки бжаки Аԥсны дынхон, аус иуан. Апрограмма "Аԥшааҩцәа" амҩаԥгаҩс дыҟан, уи аҳәаақәа ирҭагӡаны Аԥсны иазку адокументалтә фильмқәа ԥшьба ҭыхын, Аԥсуа баарыԥхрақәеи аӡиа Риҵеи ирызку ахәҭақәагьы уахь иналаҵаны.
Андреи Хорошев Аԥсны афильмқәа рҭыхра игәы иҭан — аҳаирплан амаҵзуҩы Надежда Курченко илызку, аҭоурыхтә проектқәа жәпакы, уи адагьы, иара иҭахын атәылаҿы акинои ателехәаԥшреи рышкол аартра.
