Аҿар Рпарламент ахь акандидатцәа рықәыргыларазы 60 инареиҳаны азыҳәақәа нашьҭуп
13:50 03.02.2026 (ирҿыцуп: 14:13 03.02.2026)
© Sputnik / Томас Тхайцук
Анапаҵаҩра
АҞӘА, жәабран 3 — Sputnik. Аҿар Рпарламент ахь акандидатцәа рықәыргыларазы 60 инареиҳаны азыҳәақәа нашьҭуп ҳәа Sputnik иазеиҭеиҳәеит Жәлар Реизара адепутат Инар Саӡба.
Азыҳәақәа рыдкылара хыркәшахеит ажьырныҳәа 31 рзы, урҭ ҩымз инарзынаԥшуа имҩаԥысуан.
"Ҳаилак заанаҵтәи адыррақәа рыла, зынӡа 63 зыҳәа ҳауит. 21 зыҳәа аарышьҭит аҭыԥҳацәа ҿарацәа, егьырҭ – арԥарцәа", — иҳәеит иара.
Саӡба иажәақәа рыла, аҿар активра ду аадырԥшит, акандидатцәа бжьаратәла рықәра — 25 шықәса аҵанакуеит.
Аҿар Рпарламент аилазаара еиҿнакаауеит акомиссиа. Иҷыдоу азхьаԥшра рыҭахоит аԥышәеи адырреи, аҿартә политика аганахь ала активреи, абызшәарацәа адырреи.
"Акомиссиа азыҳәақәа зегьы ҭырҵаауеит, хаҭала акандидатцәа ирыҿцәажәоит, иӷәӷәоуи иԥсыҽуи аганқәа аадырԥшуеит, еизыркуа адыррақәа шьаҭас иҟаҵаны аӡбарақәа рыдыркылалоит", — иҳәеит Саӡба.
Аҿар Рпарламент 17-ҩык адепутатцәа рыла ишьақәгылазаауеит. Депутатс дҟалар илшоит дарбанызаалак Аԥсны атәылауаҩ 18 шықәса иреиҵам, 30 шықәса иреиҳам ауаажәларратә ԥсҭазаара иалагылоу, аҵара, аҭҵаарадырра, акультура, аспорт, аҿартә политикаҟны аихьӡарақәа аазырԥшхьо.
Азыҳәақәа рыдкылара хыркәшахеит ажьырныҳәа 31 рзы, урҭ ҩымз инарзынаԥшуа имҩаԥысуан.
"Ҳаилак заанаҵтәи адыррақәа рыла, зынӡа 63 зыҳәа ҳауит. 21 зыҳәа аарышьҭит аҭыԥҳацәа ҿарацәа, егьырҭ – арԥарцәа", — иҳәеит иара.
Саӡба иажәақәа рыла, аҿар активра ду аадырԥшит, акандидатцәа бжьаратәла рықәра — 25 шықәса аҵанакуеит.
Аҿар Рпарламент аилазаара еиҿнакаауеит акомиссиа. Иҷыдоу азхьаԥшра рыҭахоит аԥышәеи адырреи, аҿартә политика аганахь ала активреи, абызшәарацәа адырреи.
"Акомиссиа азыҳәақәа зегьы ҭырҵаауеит, хаҭала акандидатцәа ирыҿцәажәоит, иӷәӷәоуи иԥсыҽуи аганқәа аадырԥшуеит, еизыркуа адыррақәа шьаҭас иҟаҵаны аӡбарақәа рыдыркылалоит", — иҳәеит Саӡба.
Аҿар Рпарламент 17-ҩык адепутатцәа рыла ишьақәгылазаауеит. Депутатс дҟалар илшоит дарбанызаалак Аԥсны атәылауаҩ 18 шықәса иреиҵам, 30 шықәса иреиҳам ауаажәларратә ԥсҭазаара иалагылоу, аҵара, аҭҵаарадырра, акультура, аспорт, аҿартә политикаҟны аихьӡарақәа аазырԥшхьо.
