Аԥсны иҟоу Урыстәыла Ацҳаражәҳәарҭа ааҳәамҭа ҟанаҵеит урыстәылатәи атәылауаҩра аиуразы ацхыраара шәаҳҭоит ҳәа зҳәо абжьаҟазацәа рмаҵзурақәа рҽырцәырхьчарц.
Аԥсны иҟоу Урыстәыла Ацҳаражәҳәарҭа ааҳәамҭа ҟанаҵеит урыстәылатәи атәылауаҩра аиуразы ацхыраара шәаҳҭоит ҳәа зҳәо абжьаҟазацәа рмаҵзурақәа рҽырцәырхьчарц.
Адипломатиатә хаҭарнакра азхьаԥшра анаҭеит ареспубликаҿы иҟоу, ас еиԥш ацхыраара ауаа ирыдызгало азиндырратә фирма "Ахьчара" онлаин-ӡыргара.
"Иазгәаҳҭоит иарбоу афирма урыстәылатәи атәылауаҩра аиуразы арзаҳалқәа рыдкылара зынӡаскгьы азин шамам, еиҳаракгьы, ас еиԥш амаҵзурақәа гәазыҟаҵаратә шьаҭала, ԥарала рымҩаԥгара зынӡаскгьы ишыҟамло", — ҳәа аҳәоит атекст аҿы.
Урыстәыла атәылауаҩра аиқәыршәаразы арзаҳал алазҵар зҭаху аофициалтә саит аҿы хәыда-ԥсада адкылараз иҽаниҵароуп, иазыԥҵәоу аамҭазы хаҭала аконсултә ҟәшахьы днеироуп.
Адокументқәа ргәаҭара ашьҭахь Аԥсны Аҵәахырҭатә банк аҿы аконсултә еизга ахә ахшәаатәуп.
