Атәыла ахада аусԥҟақәа инапы рыҵеиҩит аҭыԥантәи аусбарҭақәа рнапхгаҩцәа раҭаразы
19:18 09.02.2026 (ирҿыцуп: 21:16 09.02.2026)
© Sputnik / Томас Тхайцук
Анапаҵаҩра
Аԥсны аҭыԥантәи ахаланапхгараҭаратә усбарҭақәа рахь алхрақәа мҩаԥысит абҵара 8 рзы. Уи ашьҭахь, атәыла ахада акандидатцәа иалху адепутатцәа ирыдигалеит рақәшаҳаҭхаразы.
АҞӘА, жәабран 9 — Sputnik. Аҳәынҭқарра ахада Бадра Гәынба аусԥҟақәа инапы рыҵеиҩит аҭыԥантәи аусбарҭақәа рнапхгаҩцәа раҭаразы ҳәа аанацҳауеит атәыла ахада ипресс-маҵзура.
Ҭемыр Агрба Аҟәа ақалақь ахадас дҟаҵоуп,
Алхас Кациа — Очамчыра араион ахадас,
Саид Ҳаразиа — Гәылрыԥшь араион ахадас,
Константин Ԥлиа — Гал араион ахадас,
Алхас Ҷыҭанаа — Аҟәа араион ахадас,
Иури Хагәышь — Гагра араион ахадас,
Ҭемыр Оҭырба — Афон ҿыц ахадас,
Рустам Агрба — Пицунда ахадас.
