https://sputnik-abkhazia.infohttps://t.me/sputnik_apsny_info/16114
Урыстәыла АП алахәылацәа рԥылара мҩаԥысит Аԥсны Ауаажәларратә палатаҿы
Урыстәыла АП алахәылацәа рԥылара мҩаԥысит Аԥсны Ауаажәларратә палатаҿы
Sputnik Аҧсны
АҞӘА, хәажәкыра 13 — Sputnik. Урыстәыла Ауаажәларратә палата алахәылацәа рԥылара мҩаԥысит Аԥсны Ауаажәларратә палатаҿы. 13.03.2026, Sputnik Аҧсны
2026-03-13T12:40+0300
2026-03-13T12:40+0300
2026-03-13T12:42+0300
аԥсны
ажәабжьқәа
аԥсны
https://cdnn1.img.sputnik-abkhazia.info/img/07ea/03/0d/1061610137_0:0:1280:721_1920x0_80_0_0_e107795e3531320e381f6a39ecced6b4.jpg
АҞӘА, хәажәкыра 13 — Sputnik. Урыстәыла Ауаажәларратә палата алахәылацәа рԥылара мҩаԥысит Аԥсны Ауаажәларратә палатаҿы.Аԥсны АП амаӡаныҟәгаҩ Гәыли Кьычԥҳа иазгәалҭеит урыстәылатәи рколлегацәеи дареи рԥышәеимдара аҵак ду шамоу. Аԥсни Ҟәбани еиԥшу ауадаҩрақәа ирықәшәоит ҳәа азылыԥхьаӡоит Краснодартәи атәылаҿацә Ауаажәларратә палата ахантәаҩы Лиубов Попова.Лара иазгәалҭеит атәылаҿацә аҿы аа-миллионҩык рҟынӡа ауаа шынхо, урҭ рыбжаҩык ақыҭақәа руааԥсыра шракәу."Ақыҭақәа рҿы комплексла рыҿиара ари иреиҳау ҳус дуқәа иреиуоуп, уи ахырхарҭала аус аауеижьҭеи акрааҵуеит", — ҳәа азгәалҭеит Попова. Лара иазгәалҭеит, Краснодартәи атәылаҿацә аԥышәа шамоу ақыҭа рҵаҩцәа, аҳақьымцәа, ақыҭақәа рҿы инхо аҭаацәара қәыԥшқәа ацхыраара рызҭо апрограммақәа рынагӡаразы, уи аԥышәа Аԥсны ацеиҩшара ишазыхиоу. Афорум "Аиҿцәажәара. Аиқәшаҳаҭра. Аҿиара" мҩаԥысит хәажәкырамза 12 рзы. Уи аламҭалаз Ауаажәларратә палата адемографиеи, ақыҭақәа рсоциал-економикатә ҿиареи, аполитикатә еиҭакрақәеи рызҵаарақәа ирызкны астол гьежьқәа хԥа еиҿнакааит.Аграждантә форум аҿы ирыдыркылаз алкаа аҳәынҭқарратә ҩаӡараҿы инагӡатәуп ҳәа иԥхьаӡоит Ауаажәларратә палата алахәыла Сократ Џьынџьал. Иара иажәақәа рыла, алкаа акрызҵазкуа ахәҭаҷқәа ируакуп атәылаҿы адемографиатә ҭагылазаашьа. Ареспубликаҿы ахшара рацәа змоу аҭаацәарақәа агәазыҟаҵарақәа рырҭоит, аха ашәарақәа рышәагаа маҷуп, аҿар аҭаацәара дуқәа раԥҵаразы ргәы азҭанаҵом. Убри аҟнытә арҭ ауснагӡатәқәа еиҳа ирӷәӷәатәуп. Сократ Џьынџьал арепатриациа апроблемагьы дазааҭгылеит. Ауаажәларратә палата алахәыла игәаанагарала, иахьа адемографиатә проблема аӡбара алшоит ҳџьынџьуаа рҭоурыхтә ԥсадгьыл ахь рырхынҳәра амҩалагьы.
https://sputnik-abkhazia.info/20260312/agrazhdant-forum-aitsazhara-aishara-aiara-ialkaau-1061595243.html
Sputnik Аҧсны
media@sputniknews.com
+74956456601
MIA „Rossiya Segodnya“
2026
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны
АҞӘА, хәажәкыра 13 — Sputnik. Урыстәыла Ауаажәларратә палата алахәылацәа рԥылара мҩаԥысит Аԥсны Ауаажәларратә палатаҿы.
Аԥсны АП амаӡаныҟәгаҩ Гәыли Кьычԥҳа иазгәалҭеит урыстәылатәи рколлегацәеи дареи рԥышәеимдара аҵак ду шамоу.
"Ажәа ԥшӡақәа еибаҳҳәарц азы ҳаиқәымшәеит, аус аауеит, ҳгәы иҵхо апроблемақәа аус рыдаҳулоит ", — ҳәа инаҵшьны иазгәалҭеит лара.
Аԥсни Ҟәбани еиԥшу ауадаҩрақәа ирықәшәоит ҳәа азылыԥхьаӡоит Краснодартәи атәылаҿацә Ауаажәларратә палата ахантәаҩы Лиубов Попова.
Лара иазгәалҭеит атәылаҿацә аҿы аа-миллионҩык рҟынӡа ауаа шынхо, урҭ рыбжаҩык ақыҭақәа руааԥсыра шракәу.
"Ақыҭақәа рҿы комплексла рыҿиара ари иреиҳау ҳус дуқәа иреиуоуп, уи ахырхарҭала аус аауеижьҭеи акрааҵуеит", — ҳәа азгәалҭеит Попова.
Лара иазгәалҭеит, Краснодартәи атәылаҿацә аԥышәа шамоу ақыҭа рҵаҩцәа, аҳақьымцәа, ақыҭақәа рҿы инхо аҭаацәара қәыԥшқәа ацхыраара рызҭо апрограммақәа рынагӡаразы, уи аԥышәа Аԥсны ацеиҩшара ишазыхиоу.
Афорум "Аиҿцәажәара. Аиқәшаҳаҭра. Аҿиара" мҩаԥысит хәажәкырамза 12 рзы. Уи аламҭалаз Ауаажәларратә палата адемографиеи, ақыҭақәа рсоциал-економикатә ҿиареи, аполитикатә еиҭакрақәеи рызҵаарақәа ирызкны астол гьежьқәа хԥа еиҿнакааит.
Аграждантә форум аҿы ирыдыркылаз алкаа аҳәынҭқарратә ҩаӡараҿы инагӡатәуп ҳәа иԥхьаӡоит Ауаажәларратә палата алахәыла Сократ Џьынџьал.
"Иарбан усмҩаԥгатәзаалак акы иаԥсахоит алҵшәақәа аиур. Иҟалоит, ҳәарада, алкаа бзиақәа рыдкылара, атрибуна аҟынтәи ацәажәара уҳәа убас егьырҭгьы, аха урҭ ирыцу ҟамлар, угәы иҭоукыз ахәҭак иадамхаргьы анагӡаразы апрактикатә усқәа ыҟамзар, уи иаанаго баша аиҿкаара ахьӡ аԥҽроуп ", — ҳәа азгәеиҭеит иара Урыстәыла Ауаажәларратә палата ахаҭарнакцәа рԥылараан.
Иара иажәақәа рыла, алкаа акрызҵазкуа ахәҭаҷқәа ируакуп атәылаҿы адемографиатә ҭагылазаашьа. Ареспубликаҿы ахшара рацәа змоу аҭаацәарақәа агәазыҟаҵарақәа рырҭоит, аха ашәарақәа рышәагаа маҷуп, аҿар аҭаацәара дуқәа раԥҵаразы ргәы азҭанаҵом. Убри аҟнытә арҭ ауснагӡатәқәа еиҳа ирӷәӷәатәуп.
Сократ Џьынџьал арепатриациа апроблемагьы дазааҭгылеит. Ауаажәларратә палата алахәыла игәаанагарала, иахьа адемографиатә проблема аӡбара алшоит ҳџьынџьуаа рҭоурыхтә ԥсадгьыл ахь рырхынҳәра амҩалагьы.
