"Сириус" ауниверситет аԥсуа студент Владимир Путин иҟынтәи агәаларшәагатә медал ианашьоуп
14:40 16.03.2026 (ирҿыцуп: 15:53 16.03.2026)
© telegram sputnik_apsny_info
/ Анапаҵаҩра
АҞӘА, хәажәкыра 16 — Sputnik. "Сириус" ауниверситет IT-коллеџь аԥснытәи астудент Алекс Абдульнар Владимир Путин иҟынтәи агәаларшәагатә медали аҳаҭыртә шәҟәи ианашьоуп.
Ҳаҭыр ду змоу аҳамҭа ианашьоуп 2024 шықәсазы Адунеизегьтәи аҿар рфестиваль аҽазыҟаҵареи амҩаԥгареи рҿы илагалазы.
ААҿР аҿы иҩызцәеи иареи аинформациатә шәарҭадара ҟәшаҿы аус руан.
"Ҳара аусура ҳалагеит афорум ҩымчыбжь шагыз — аноутбукқәеи амоноблокқәеи еиқәҳаршәеит, ашәарҭадаратә политика шьақәҳаргылеит, аамҭакала IT ахырхарҭала иаауаз азыҳәарақәа рҭак ҟаҳҵеит. ААҿР цонаҵы хылаԥшра раҳҭон атехникатә инфраструктурақәа зегьы — "иҟәышу аӷәы" ҳәа изышьҭоу инаркны афорум алахәылацәа русурҭатә ҭыԥқәа рҟынӡа. Иааизакны зныкала 700 цыра атехникатә маругақәа аус рыдааулон", — иҳәеит Абдульнар, Sputnik иаиҭаз аинтервиу аҟны.
Аҳамҭақәа ранаршьеит "Сириус".
"Амедал ансанаршьа ашьҭахь, Аԥсны абираҟ кны афотоҭыхымҭа ҟасҵеит, избанзар, аиашазы, уи даара акыр зҵазкуа игәалыршәагоу хҭысуп", — ҳәа азгәеиҭеит иара.
Алекс Абдульнар — А. Пушкин ихьӡ зху Аҟәатәи абжьаратә школ №2 доушьҭымҭоуп, Урыстәылатәи IT-коллеџь "Сириус" дастудентуп, "Ателекоммуникациатә системақәа ринформациатә шәарҭадара" ахырхарҭала аҵара иҵоит. 2025 шықәсазы Урыстәылазегьтәи астудентцәа реицлабра "Большая перемена" аҿы аԥхьахә даԥсахеит.
Ҳаҭыр ду змоу аҳамҭа ианашьоуп 2024 шықәсазы Адунеизегьтәи аҿар рфестиваль аҽазыҟаҵареи амҩаԥгареи рҿы илагалазы.
ААҿР аҿы иҩызцәеи иареи аинформациатә шәарҭадара ҟәшаҿы аус руан.
"Ҳара аусура ҳалагеит афорум ҩымчыбжь шагыз — аноутбукқәеи амоноблокқәеи еиқәҳаршәеит, ашәарҭадаратә политика шьақәҳаргылеит, аамҭакала IT ахырхарҭала иаауаз азыҳәарақәа рҭак ҟаҳҵеит. ААҿР цонаҵы хылаԥшра раҳҭон атехникатә инфраструктурақәа зегьы — "иҟәышу аӷәы" ҳәа изышьҭоу инаркны афорум алахәылацәа русурҭатә ҭыԥқәа рҟынӡа. Иааизакны зныкала 700 цыра атехникатә маругақәа аус рыдааулон", — иҳәеит Абдульнар, Sputnik иаиҭаз аинтервиу аҟны.
Аҳамҭақәа ранаршьеит "Сириус".
"Амедал ансанаршьа ашьҭахь, Аԥсны абираҟ кны афотоҭыхымҭа ҟасҵеит, избанзар, аиашазы, уи даара акыр зҵазкуа игәалыршәагоу хҭысуп", — ҳәа азгәеиҭеит иара.
Алекс Абдульнар — А. Пушкин ихьӡ зху Аҟәатәи абжьаратә школ №2 доушьҭымҭоуп, Урыстәылатәи IT-коллеџь "Сириус" дастудентуп, "Ателекоммуникациатә системақәа ринформациатә шәарҭадара" ахырхарҭала аҵара иҵоит. 2025 шықәсазы Урыстәылазегьтәи астудентцәа реицлабра "Большая перемена" аҿы аԥхьахә даԥсахеит.
© telegram sputnik_apsny_info
/ 
