Асоциалтә фильм "Ишәарҭоу аҭыԥҭацә" аԥхьарбара мҩаԥысит Аҟәа
17:16 26.03.2026 (ирҿыцуп: 18:15 26.03.2026)
© Sputnik
Анапаҵаҩра
АҞӘА, хәажәкыра 26 — Sputnik. Асоциалтә фильм "Ишәарҭоу аҭыԥҭацә" аԥхьарбара мҩаԥысит Аҟәа, Аибашьратә фырхаҵара амузеи аҿы.
Зметраж кьаҿу афильм агәыҳалалратә еиҿкаара "Кьараз" аԥшьгарала иҭыхуп, аҿар арҩашьыгатә маҭәашьарқәа рыдкылареи рыҭиреи ралгалара апроблема иазкуп.
Аиҿкаара ахада Кадыр Аргәын инаҵшьны иазгәеиҭеит, афильм аҟны ишьҭыху атема ареспубликазы даара иҵарны ишыҟоу. Иара иҳәеит "Кьараз" 11 шықәса раахыс социалла иуашәшәыроу ауааԥсыра ишрыцхраауа.
Зметраж кьаҿу афильм агәыҳалалратә еиҿкаара "Кьараз" аԥшьгарала иҭыхуп, аҿар арҩашьыгатә маҭәашьарқәа рыдкылареи рыҭиреи ралгалара апроблема иазкуп.
Аиҿкаара ахада Кадыр Аргәын инаҵшьны иазгәеиҭеит, афильм аҟны ишьҭыху атема ареспубликазы даара иҵарны ишыҟоу. Иара иҳәеит "Кьараз" 11 шықәса раахыс социалла иуашәшәыроу ауааԥсыра ишрыцхраауа.
"Ари афильм ала апроблема аӡбара зыҟалом, убри аҟнытә шәалацәажәарц, шәгәаанагарақәа ҳзеиҭашәҳәарц азы ааԥхьара шәаҳҭеит. Ҳара ари апроект аҿы иҳадгылаз зегьы иҭабуп ҳәа раҳҳәоит", — ҳәа инаҵшьны иазгәеиҭеит иара.
Апроект автор Анастасиа Хәарцкьиаԥҳа иазгәалҭеит, афильм аԥсҭазаараҿ иҟалаз аҭоурыхқәеи алахьынҵа еикәацәақәеи рышьаҭала ишҭыху.
"Ҳара иаҳуалын астатистика акәымкәа, зыԥсы ҭоу, ахықә ихықәгылоу ауаҩы ирбара. Ари афильм аԥҵан ахбыџқәа, аҿар, аҭаацәа рзы, дарбанзаалак ари апроблема иара ихьысӡом ҳәа изыԥхьаӡо изы", — ҳәа лҳәеит Хәарцкьиаԥҳа.
"Ҳара иаҳуалын астатистика акәымкәа, зыԥсы ҭоу, ахықә ихықәгылоу ауаҩы ирбара. Ари афильм аԥҵан ахбыџқәа, аҿар, аҭаацәа рзы, дарбанзаалак ари апроблема иара ихьысӡом ҳәа изыԥхьаӡо изы", — ҳәа лҳәеит Хәарцкьиаԥҳа.
