"Иара джурналистны ихы иԥхьаӡон, уи амиссиа иара изы зегь раасҭа ихадан".
"Иара джурналистны ихы иԥхьаӡон, уи амиссиа иара изы зегь раасҭа ихадан".
Иналукааша адипломат, акьыԥхь Амаҵзура "Новости" (уажәы РИА Новости) аиҳабы Валентин Фалин имемориалтә ӷәы кыдырҵеит Москва, амедиагәыԥ "Урыстәыла иахьа" ахыбра аҭӡаҿы.
"Иара еснагь аҵакыҵәҟьа ибарҭан. Фалин ишәҟәаҿы иҩуан: "Аполитикатә баҩхатәрақәа рахьтә зеиԥш маҷӡоу аиаша абла аҭаԥшроуп". Иара джурналистны ихы иԥхьаӡон, ари амиссиа иара изы ихадаз иреиуан", — ҳәа иҳәеит амедиагәыԥ "Урыстәыла иахьа" адиректор хада Дмитри Киселиов.
Фалин амедиагәыԥ аҿиараҿы аҵак ду наигӡеит, Урыстәыла жәларбжьаратәи аҳаҭыр арӷәӷәараҿы илагала дууп.
Аусмҩаԥгатә иалахәын Урыстәыла АдәАР ахаҭарнак ҷыда Мариа Захарова, Урыстәыла Ажурналистцәа реидгыла ахантәаҩы Владимир Соловиов, иара убас Валентин Михаил-иԥа иуацәа, иколлегацәа, иҵаҩцәа.
Захарова инаҵшьны иазгәалҭеит, Фалин иахьа хыԥхьаӡара рацәала ахырхарҭақәа рыла имҩаԥысуа, зымҽхак ҭбаау аинформациатә усура ашьаҭа шышьҭеиҵаз.
