"Иахьа иналукааша иҷыдоу мшуп сыбжьы рдуны исҳәарц ансылшо: Владислав Григори-иԥа Арӡынба ихьӡ зху Жәларбжьаратәи аҳаирбаӷәаза "Аҟәа" аҟны бзиала шәаабеит ҳәа".
"Иахьа иналукааша иҷыдоу мшуп сыбжьы рдуны исҳәарц ансылшо: Владислав Григори-иԥа Арӡынба ихьӡ зху Жәларбжьаратәи аҳаирбаӷәаза "Аҟәа" аҟны бзиала шәаабеит ҳәа".
Аԥсны аекономика аминистр Ҭеимураз Амқәаб Аԥсны аҳаирбаӷәазаҿы атерминал ҿыцқәа официалла раартра аусмҩаԥгатә ихы алаирхәит.
"Ари Аԥсны Аҳәынҭқарреи Урыстәылатәи Афедерациеи, харатәи арегионқәагьы уахь иналаҵаны, еимаздо аҳаирбаӷәазоуп. Аԥсны Аҳәынҭқаррахь иаауа аныҟәаҩцәеи, зегь раԥхьаӡа иргыланы, Урыстәылатәи атуристцәеи рзы рырманшәалара еиӷьызтәуа ҩ-терминалк рхархәара иадҳәалоу аусурақәа хыркәшахеит", — ҳәа иҳәеит иара.
Иахьа Аҟәатәи аҳаиртә баӷәазаҿы иааиԥмырҟьаӡакәа аус зуа атерминал ҿыцқәа ҩба аадыртит. Урыстәылатәи Афедерациа атранспорт аминистр Андреи Никитин аусмҩаԥгатә ихы алаирхәит авидеоеимадарала.
Аԥсни Урыстәыла егьырҭ арегионқәеи рыбжьара аҳаиртә ныҟәарақәа реиҭашьақәыргылара иалагеит лаҵарамза 1 2025 шықәса инаркны, аныҟәаҩцәа рмаҵзура мҩаԥысуан аамҭалатәи атерминалқәа рҿы.
