Очамчыра атуризм аусхки абизнес маҷи русзуҩцәа реиԥылараан иӡырыргеит Аԥсны абрендбук.
16:13 02.04.2026 (ирҿыцуп: 16:26 02.04.2026)
Анапаҵаҩра
Очамчыра атуризм аусхки абизнес маҷи русзуҩцәа реиԥылараан иӡырыргеит Аԥсны абрендбук.
Иара аус аднаулеит нижегородтәи аиҿкаара "Центр 800".
Аԥсны атуризм аминистр Асҭамыр Логәуа иажәақәа рыла, абрендбук хымԥадатәиуп атәыла аӡыргаразы, уи алшарақәа раарԥшразы.
Аус адызулоз аинтервиу рымырхит аԥсуа бизнес ахаҭарнакцәа, аҭҵаарадырратә интеллигенциа, акультура аусзуҩцәа, Урыстәыла иҟоу адиаспора ртәылеи рыжәлари адунеи аҿы изныршьаларц ирҭаху азы.
Иара убас, абрендбук аҿы ахархәара амоуп аилкаара "аԥсуара" — Аԥсны егьырҭ Амшын еиқәа иаԥну атәылақәа ирылызкаауа.
Аус адызулоз иӡырыргеит адәныҟатәии аҩнуҵҟатәии аудиториазы аслоган, ашрифт ҷыда, аграфикатә елементқәа, адырга ҷыда.
