Савелиев: Аԥсны аҭышәынтәалара Урыстәыла азы ихадароуп
16:40 02.04.2026 (ирҿыцуп: 17:26 02.04.2026)
© Sputnik / Владимир Федоренко
Анапаҵаҩра
АҞӘА, мшаԥы 2 — Sputnik. Аԥсны аҭышәынтәалара рыстәыла ҳзы ихадароуп. Абри атәы Sputnik иазеиҭеиҳәеит Урыстәыла Аҳәынҭқарратә Дума адепутат Дмитри Савелиев, Аԥсны еиуеиԥшым аполитикатә мчрақәа рхаҭарнакцәа злахәыз "Аполитикатә ҭышәынтәалара Аԥсны аинвестициақәа радԥхьалараҿы ихадоу факторуп" захьӡыз астол гьежь аихшьаалақәа ҟаҵо.
"Агәаанагарақәа еиуеиԥшым, аха ҵакыс иамоу акы ауп: аҭышәынтәалара аҭахуп аинвестициақәа ралагаларазы, аусуратә ҭыԥқәа раԥҵаразы, атауареикәшара ашьҭыхразы, атәыла аҩнуҵҟатәи аалыҵ аизырҳаразы, уи инамаданы Аԥсны атәылауаа зегьы рыбзазара аизырҳаразы", — иҳәеит Дмитри Савелиев.
Урыстәыла Аҳәынҭдума адепутат инаҵшьны иазгәеиҭеит, Урыстәыла азҿлымҳара шамоу Аԥсны зегь рыла аҭышәынтәалара аиурцаз.
"Ҳара Аԥсны зинеиҟарарала ҳазнеиуеит, насгьы иаҳҭахуп зегь рыла иҭышәынтәалоу, иқәҿиара дуу, аиашьаратә тәыланы иаҳбарц. Аҭышәынтәалара ыҟазар аинвестициақәагьы ҟалоит. Аус ҳацызуа ииашаны ишиҳәаз ала, аинвесторцәа агәаран иқәгыло иҟалоит, шәара урҭ рахьынтә еиҳа ианаалаша далышәхлоит", — иҳәеит Дмитри Савелиев.
"Ҳара Аԥсны зинеиҟарарала ҳазнеиуеит, насгьы иаҳҭахуп зегь рыла иҭышәынтәалоу, иқәҿиара дуу, аиашьаратә тәыланы иаҳбарц. Аҭышәынтәалара ыҟазар аинвестициақәагьы ҟалоит. Аус ҳацызуа ииашаны ишиҳәаз ала, аинвесторцәа агәаран иқәгыло иҟалоит, шәара урҭ рахьынтә еиҳа ианаалаша далышәхлоит", — иҳәеит Дмитри Савелиев.
