Аԥсны Атуризм аминистрра аиқәшаҳаҭрақәеи аилаӡарақәеи жәпакы анапы рыҵанаҩит.
Аԥсны Атуризм аминистрра аиқәшаҳаҭрақәеи аилаӡарақәеи жәпакы анапы рыҵанаҩит.
Атуризм аусхк аҟны аусеицуразы аиқәшаҳаҭра анапы аҵаҩуп Башкортосҭантәи Зҭакԥхықәра ҳәаақәҵоу аилазаара "Аныҟәарақәа рреспубликеи" Аԥсны Амилаҭ туристтә еилахәыреи рыбжьара.
Иара убасгьы Акурорт "Пицундеи" Зҭакԥхықәра ҳәаақәҵоу аилазаара "ТЕС"-и рыбжьара аинвестициатә еиқәшаҳаҭра анапы аҵаҩуп.
Нижегородтәи аобласт АИЕ "Центр 800"-и Аԥсны Амилаҭтә туристтә еилахәыра "Турист"-и рыбжьара аусеицуреи акультуратә еимадарақәа рырӷәӷәареи рзы аиқәшаҳаҭра рыбжьаҵоуп.
АТЕ "Турист" адиректор Руслан Кәакәасқьыр иажәақәа рыла, Башкортосҭани Нижни Новгороди дареи ирыбжьарҵаз аиқәшаҳаҭра алшара ҟанаҵоит ҳаԥхьаҟа атуристцәа рхыԥхьаӡара аизырҳареи имҩаԥырго амаҵзурақәа рхаҭабзиара аиӷьтәреи рзы.
"Агәра ганы сыҟоуп ас еиԥш иҟоу аҭыԥқәа даара ишаҭаху, аринахысгьы уи хымԥада ареспублика аекономика аҿиаразы хра аманы иҟалап ҳәа сгәы иаанагоит", — иҳәеит иара.