Sputnik Аԥсны апресс-центр анаԥхгаҩы Ауаажәларратә палата абыжьбатәи ааԥхьарахь далхуп
18:31 02.04.2026 (ирҿыцуп: 22:26 02.04.2026)
© Sputnik / Леон Адлейба
Анапаҵаҩра
АҞӘА, мшаԥы 2 — Sputnik. Sputnik Аԥсны апресс-центр анаԥхгаҩы Инал Лазба Аԥсны Ажурналистцәа реидгыла аҟнытә Ауаажәларратә палата абыжьбатәи ааԥхьарахь далхуп.
Апалатаҿы ишазгәарҭаз ала, иара убасгьы уи аилазаараҿы иҟоуп:
Апалатаҿы ишазгәарҭаз ала, иара убасгьы уи аилазаараҿы иҟоуп:
Даур Агрба — Агәыҳалалратә фонд "Акзаара" аҟнытә;
Ерасҭ Агәмаа — С. В. Багаԥшь ихьӡ зху афонд аҟнытә,
Варлам Аргәын — Аӡахәааӡаҩцәеи аҩыҟаҵаҩцәеи реидгыла аҟнытә,
Зураб Багаԥшь — Аԥсны Амҵәышәмпыл афедерациа аҟнытә,
Самвел Карапетиан — Аԥсны Аерманцәа реилазаара аҟнытә,
Ада Кәарҷелиаԥҳа — Аԥсны Аҳәса реидгыла аҟнытә,
Тамази Қьецба — аиҿкаара "Панорама" аҟнытә,
Дона Малиаԥҳа — Пицундатәи Аҳәса рхеилак аҟнытә,
Ҭемыр Ԥиԥиа — Жәларбжьаратәи абизнес усеицура афонд аҟнытә,
Изольда Ҳагԥҳа — Адунеизегьтәи аԥсуа-абаза конгресс аҟнытә.
Аԥсны Ауаажәларратә палата абыжьбатәи ааԥхьарахь алԥшааратә еицлабрахь 33 рзаҳал нашьҭын.
Аԥсны Ауаажәларратә палата 35-ҩык алахәылацәа рыла ишьақәгылоуп. Уаанӡа абыжьбатәи ааԥхьарахь ҩажәи ԥшьҩык акандидатцәа алырххьан, урҭ рҟнтә 13-ҩык аҳәынҭқарра ахада ишьақәирӷәӷәеит, 11-ҩык — ақалақьқәеи араионқәеи. Иаанхаз 11-ҩык — ауаажәларратә еилазаарақәа, икоммерциатәым аиҿкаарақәа, аҭҵаарадырреи аҵареи русбарҭақәа, азанааҭтәи аҟазаратәи еидгылақәа рҟнытә.
