Аԥсны альготатә кредитҭара апрограмма апроектқәа 2030 шықәсанӡа ирыцҵоуп
16:13 04.04.2026 (ирҿыцуп: 16:28 04.04.2026)
© Sputnik / Владимир Трефилов
Анапаҵаҩра
АҞӘА, мшаԥы 4 — Sputnik. Аԥсны альготатә кредитҭара апрограмма апроектқәа 2030 шықәсанӡа ирыцҵоуп.
Акредиттә лимит иартәоит 20 млрд мааҭ ҳәа иҳәеит Урыстәыла аиҳабыра рхантәаҩы ихаҭыԥуаҩ Александр Новак.
Иара иазгәеиҭеит 2023 шықәса раахыс урыстәылатәи абанкқәа 6,6 млрд мааҭ зыхә наӡо 10 проектк аԥара шырзоурыжьыз, урҭ рыхәҭак аусура ишалагахьоу.
"Сынтәа инацҵаны 162 миллион мааҭ азоурыжьит абанкқәа рзы апроценттә зыԥҵәа асубсидиа аҭаразы, абизнес ахархәара змоу аԥара аиурц азы. Иахьа афорум аҿы ари апрограмма анагӡара аԥҟарақәа шьақәдырӷәӷәеит", — ҳәа иҳәеит Новак.
Аиҳабыра рхантәаҩ ихаҭыԥуаҩ иажәақәа рыла, Аԥсны атуризми, аргылареи, ақыҭанхамҩеи рганахь ала даҽа 6,5 млрд мааҭ рыхә апроектқәа азнархиахьеит. Азыҳәақәа ирласны аус рыдырулалоит 2026 шықәсазы апроектқәа акредит рзоужьра иалагарц азы.
"Сынтәа ихацҳаркуеит даҽа механизмк – абизнес маҷи абжьаратә бизнеси рзы альготатә кредит аҭара, аха аԥснытәи абанкқәа рҿы. Хықәкыс иҟоуп аиҿкаара аус адулара, Аԥсны Аминистрцәа реилазаара уи шьақәнарӷәӷәарц, ирласны абанкқәа ралԥшаара мҩаԥгахарц. Жәаҳәарада, аԥыжәара роуеит атуристтә проектқәа. Абизнес маҷи абжьаратә бизнеси рзы азыԥҵәагьы льготатә зыԥҵәахоит — 0,7 ихадоу азыԥҵәа", — ҳәа иҳәеит иара.
Акредиттә лимит иартәоит 20 млрд мааҭ ҳәа иҳәеит Урыстәыла аиҳабыра рхантәаҩы ихаҭыԥуаҩ Александр Новак.
Иара иазгәеиҭеит 2023 шықәса раахыс урыстәылатәи абанкқәа 6,6 млрд мааҭ зыхә наӡо 10 проектк аԥара шырзоурыжьыз, урҭ рыхәҭак аусура ишалагахьоу.
"Сынтәа инацҵаны 162 миллион мааҭ азоурыжьит абанкқәа рзы апроценттә зыԥҵәа асубсидиа аҭаразы, абизнес ахархәара змоу аԥара аиурц азы. Иахьа афорум аҿы ари апрограмма анагӡара аԥҟарақәа шьақәдырӷәӷәеит", — ҳәа иҳәеит Новак.
Аиҳабыра рхантәаҩ ихаҭыԥуаҩ иажәақәа рыла, Аԥсны атуризми, аргылареи, ақыҭанхамҩеи рганахь ала даҽа 6,5 млрд мааҭ рыхә апроектқәа азнархиахьеит. Азыҳәақәа ирласны аус рыдырулалоит 2026 шықәсазы апроектқәа акредит рзоужьра иалагарц азы.
"Сынтәа ихацҳаркуеит даҽа механизмк – абизнес маҷи абжьаратә бизнеси рзы альготатә кредит аҭара, аха аԥснытәи абанкқәа рҿы. Хықәкыс иҟоуп аиҿкаара аус адулара, Аԥсны Аминистрцәа реилазаара уи шьақәнарӷәӷәарц, ирласны абанкқәа ралԥшаара мҩаԥгахарц. Жәаҳәарада, аԥыжәара роуеит атуристтә проектқәа. Абизнес маҷи абжьаратә бизнеси рзы азыԥҵәагьы льготатә зыԥҵәахоит — 0,7 ихадоу азыԥҵәа", — ҳәа иҳәеит иара.
