https://sputnik-abkhazia.info/20260414/1062375411.html
Анимациатә проект "Аԥсны аҭоурых" ӡырыргеит Sputnik апресс-центр аҿы
Анимациатә проект "Аԥсны аҭоурых" ӡырыргеит Sputnik апресс-центр аҿы
Sputnik Аҧсны
АҞӘА, мшаԥы 14 — Sputnik. Анимациатә проект "Аԥсны аҭоурых" ӡырыргеит Sputnik апресс-центр аҿы.Аидеиа цәырҵит аа-шықәсаҟа раԥхьа ажәытә цивилизациақәа рҭоурых... 14.04.2026, Sputnik Аҧсны
2026-04-14T16:04+0300
2026-04-14T16:04+0300
2026-04-14T16:32+0300
аԥсны
ажәабжьқәа
аԥсны
акультура
https://cdnn1.img.sputnik-abkhazia.info/img/07ea/04/0e/1062372863_0:100:1920:1180_1920x0_80_0_0_88ba8aebef5275cc754439bcb92efd79.jpg
АҞӘА, мшаԥы 14 — Sputnik. Анимациатә проект "Аԥсны аҭоурых" ӡырыргеит Sputnik апресс-центр аҿы.Аидеиа цәырҵит аа-шықәсаҟа раԥхьа ажәытә цивилизациақәа рҭоурых иазку апроект Arzamas санахәаԥш ашьҭахь ҳәа еиҭеиҳәеит апроект автор, арежиссиор Дауҭ Логәуа.Акыр аамҭа цеит апроект аспонсорцәа рыԥшааразы. Уи ашьҭахь адгылара арҭеит Адунеизегьтәи аԥсуа-абаза конгресси Аԥсадгьыл ахь архынҳәразы аҳәынҭқарратә еилаки.Арепатриациазы аҳәынҭеилакы аиҳабы ихаҭыԥуаҩ Асҭамыр Багаҭелиа иазгәеиҭеит, аусбарҭа аидеологиатә усура аҵак ду шанаҭо, Аԥсны аҭоурых иазку афильмқәа рсериа ари аус ишахәҭаку. "Даара иуадаҩын араҟа иааизакны, 20 минуҭ ирыҵанакыз аамҭала Аԥсны аҳәынҭқарра аҭоурых беиа зегьы арбара. Аха сара сгәанала, ари адиаспора, иқәыԥшу абиԥара рҭоурыхтә ԥсадгьыл адырразы зегь реиҳа хра рзыҟазҵо форматуп ҳәа. Ҳара ҳақәгәыӷуеит апроект аҭоурых анаҩстәи аҭҵааразы аинтерес рызцәырнагап ҳәа", — инаҵшьны иазгәеиҭеит иара. Аҭҵаарадырра-аларҵәаратә проект шьақәгылоуп 7 минуҭк рыла абжьаратә хронометраж змоу афильм хәыҷқәа хԥа рыла. Иара Аԥсны аҭоурых ажәытәӡатәи аамҭақәа инадыркны иахьанӡа аԥсышәалеи, урысшәалеи, англыз бызшәалеи еиҭанаҳәоит.АААК ахаҭарнак Дмитри Жьиба игәаанагарала Аԥсны аҭоурых иазку анимациатә фильмқәа рсериа ареспублика аҿар рыдагьы аҳәаанырцә иҟоу аудиториагьы ирзырхоуп.Иара иажәақәа рыла, асоциалтә ҳақәа рҿы Аԥсны иазку, зхаҭабзиара ҳараку аконтент даара имаҷуп, ари апроект ихадоу аидеологиатә уснагӡатәқәа руак аӡбоит. "Сара сгәаанагарала афильм ҳақәманшәалахеит. Уи информациала ибеиахеит, акраҵанакуеит иахьыԥшӡахазгьы", — ҳәа инаҵшьны иазгәеиҭеит Жьиба. Иара иҳәеит афильм асценари шьаҭас ишаиуз Аԥсны аҭоурых азы академиатә рҵага шәҟәы. Аҭҵаарадырратә рецензентс дамоуп аҭоурыхҭҵааҩ Џьамбул Инџьгьиа. Апроект шьақәгылоуп х-фильмк рыла, ицоит 7 минуҭк – аԥсышәалеи, урысшәалеи, англыз бызшәалеи, ҳаԥхьаҟа урҭ ҭырқәшәалеи араб бызшәалеи еиҭаргар рҭахуп. Аԥхьарбара мҩаԥгахоит иахьа асааҭ 17: 00 рзы Арепатриациазы аҳәынҭеилакы аҿы, ашьҭахь урҭ ареспублика ацҳаражәҳәарҭақәа, аԥсуа-черқьесстә культуратә центрқәа ирыладырҵәоит. Афильм иара убасгьы шәахәаԥшыр шәылшоит АААК-и MOOORE.TV. рҿы
Sputnik Аҧсны
media@sputniknews.com
+74956456601
MIA „Rossiya Segodnya“
2026
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны, акультура
ажәабжьқәа, аԥсны, акультура
АҞӘА, мшаԥы 14 — Sputnik. Анимациатә проект "Аԥсны аҭоурых" ӡырыргеит Sputnik апресс-центр аҿы.
Аидеиа цәырҵит аа-шықәсаҟа раԥхьа ажәытә цивилизациақәа рҭоурых иазку апроект Arzamas санахәаԥш ашьҭахь ҳәа еиҭеиҳәеит апроект автор, арежиссиор Дауҭ Логәуа.
"Сара ари ахәыцра сыхҭанакит: избан ҳҭоурых зыҟам абас адинамикатә ҟазшьа аманы, ихарҭәаау аформат ала, уи имарианы ирыдыркылартә, иара ахатәы бызшәалеи ахатәы аӡбамҭақәеи аманы ҳәа? Убри аминуҭ инаркны агәҭакы цәырҵит", — ҳәа иҳәеит Логәуа.
Акыр аамҭа цеит апроект аспонсорцәа рыԥшааразы. Уи ашьҭахь адгылара арҭеит Адунеизегьтәи аԥсуа-абаза конгресси Аԥсадгьыл ахь архынҳәразы аҳәынҭқарратә еилаки.
Арепатриациазы аҳәынҭеилакы аиҳабы ихаҭыԥуаҩ Асҭамыр Багаҭелиа иазгәеиҭеит, аусбарҭа аидеологиатә усура аҵак ду шанаҭо, Аԥсны аҭоурых иазку афильмқәа рсериа ари аус ишахәҭаку.
"Даара иуадаҩын араҟа иааизакны, 20 минуҭ ирыҵанакыз аамҭала Аԥсны аҳәынҭқарра аҭоурых беиа зегьы арбара. Аха сара сгәанала, ари адиаспора, иқәыԥшу абиԥара рҭоурыхтә ԥсадгьыл адырразы зегь реиҳа хра рзыҟазҵо форматуп ҳәа. Ҳара ҳақәгәыӷуеит апроект аҭоурых анаҩстәи аҭҵааразы аинтерес рызцәырнагап ҳәа", — инаҵшьны иазгәеиҭеит иара.
Аҭҵаарадырра-аларҵәаратә проект шьақәгылоуп 7 минуҭк рыла абжьаратә хронометраж змоу афильм хәыҷқәа хԥа рыла. Иара Аԥсны аҭоурых ажәытәӡатәи аамҭақәа инадыркны иахьанӡа аԥсышәалеи, урысшәалеи, англыз бызшәалеи еиҭанаҳәоит.
АААК ахаҭарнак Дмитри Жьиба игәаанагарала Аԥсны аҭоурых иазку анимациатә фильмқәа рсериа ареспублика аҿар рыдагьы аҳәаанырцә иҟоу аудиториагьы ирзырхоуп.
Иара иажәақәа рыла, асоциалтә ҳақәа рҿы Аԥсны иазку, зхаҭабзиара ҳараку аконтент даара имаҷуп, ари апроект ихадоу аидеологиатә уснагӡатәқәа руак аӡбоит.
"Сара сгәаанагарала афильм ҳақәманшәалахеит. Уи информациала ибеиахеит, акраҵанакуеит иахьыԥшӡахазгьы", — ҳәа инаҵшьны иазгәеиҭеит Жьиба.
Иара иҳәеит афильм асценари шьаҭас ишаиуз Аԥсны аҭоурых азы академиатә рҵага шәҟәы. Аҭҵаарадырратә рецензентс дамоуп аҭоурыхҭҵааҩ Џьамбул Инџьгьиа.
Апроект шьақәгылоуп х-фильмк рыла, ицоит 7 минуҭк – аԥсышәалеи, урысшәалеи, англыз бызшәалеи, ҳаԥхьаҟа урҭ ҭырқәшәалеи араб бызшәалеи еиҭаргар рҭахуп.
Аԥхьарбара мҩаԥгахоит иахьа асааҭ 17: 00 рзы Арепатриациазы аҳәынҭеилакы аҿы, ашьҭахь урҭ ареспублика ацҳаражәҳәарҭақәа, аԥсуа-черқьесстә культуратә центрқәа ирыладырҵәоит. Афильм иара убасгьы шәахәаԥшыр шәылшоит АААК-и MOOORE.TV. рҿы
