https://sputnik-abkhazia.info/20260414/1062392695.html

Аицлабра "Аԥсны акоманда" аҩбатәи асезон аатит

Аицлабра "Аԥсны акоманда" аҩбатәи асезон аатит

Sputnik Аҧсны

АҞӘА, мшаԥы 14 — Sputnik. Аицлабра "Аԥсны акоманда" аҩбатәи асезон аатит ҳәа адырра ҟаиҵеит атәыла ахада Бадра Гәынба.Аҳәынҭқарра ахада иҳәеит аицлабра... 14.04.2026, Sputnik Аҧсны

2026-04-14T23:30+0300

2026-04-14T23:30+0300

2026-04-14T23:54+0300

аԥсны

ажәабжьқәа

аԥсны

бадра гәынба

https://cdnn1.img.sputnik-abkhazia.info/img/07e9/0a/07/1058099079_0:85:1620:996_1920x0_80_0_0_706da11c5ad3007dd57e23e39b351988.jpg

АҞӘА, мшаԥы 14 — Sputnik. Аицлабра "Аԥсны акоманда" аҩбатәи асезон аатит ҳәа адырра ҟаиҵеит атәыла ахада Бадра Гәынба.Аҳәынҭқарра ахада иҳәеит аицлабра алԥшаараҿы аиҭакрақәа шыҟамло, аха аҵаратә программа азнеишьа аҽшаԥсахуа.Ауаа алххоит аҳәынҭқарратә напхгараҭара, асоциалтә усқәа, аекономика, аграртә политика ахырхарҭала разыҟаҵаразы. "Аԥсны акоманда" аҩбатәи асезон ахықәкқәа рҽырыԥсахӡом. Ари аҟыбаҩ злоу, аԥышәа змоу, аҭакԥхықәра ду зцу аӡбарақәа рыдкылара иазхиоу ауаа рыԥшаара ауп", — ҳәа инаҵшьны иазгәеиҭеит аҳәынҭқарра ахада "Аԥсныи акоманда" иазку афильм аҿы.Аицлабра актәи асезон алҵшәа бзиақәа аанашьҭит ҳәа иԥхьаӡоит Бадра Гәынба. Иара иазгәеиҭеит, имаҵзура данахагыла ашьҭахь азанааҭтә напхгаҩцәа рыԥшаара иара изы акырӡа шаҵанакуаз. Уажәазы ​​жәаҩык инареиҳаны аицлабраҿ иаиааиз аиҳабыратә ҭыԥқәа ааныркылоит. "Аицлабраҿы аԥхьахә згаз рхы аадырԥшит аҭакԥхықәра зду ракәны, иахьатәи аамҭа рныруеит, еилыркаауеит. Сара даара сгәы рыладууп, ҳазқәгәыӷуа ахьҳамоу", — ҳәа инаҵшьны иазгәеиҭеит иара. Гәынба аицлабра ихадоу лҵашәаны иаликааит "Аԥсны акоманда" иаԥнаҵаз акыр зҵазкуа апроектқәа рынагӡара ахьалнаршо.

https://sputnik-abkhazia.info/20260403/1062152247.html

2026

Ажәабжьқәа

ab_AB

ажәабжьқәа, аԥсны, бадра гәынба