Згәабзиаратә лшарақәа ԥку ауаа рзы аинтерактивтә хсаала аус адырулеит Аԥсны
18:51 29.04.2026 (ирҿыцуп: 02:35 30.04.2026)
© Sputnik / Томас Тхайцук
Анапаҵаҩра
АҞӘА, мшаԥы 29 — Sputnik. Згәабзиаратә лшарақәа ԥку ауаа рзы аинтерактивтә хсаала аус адырулеит Аԥсны ҳәа Sputnik иазеиҭеиҳәеит Ассоциациа "Инва-Содействие" анапхгаҩы Алхас Ҭҳагәышь.
Уажәшьҭа згәабзиаратә лшарақәа ԥку ауаа ахсаала ахархәарала ԥынгылада изҭаар рылшо аҭыԥқәа еилыркаалоит.
"Ахсаала асветофортә системала еиқәыршәоуп. Иаҳҳәап, аиаҵәа ԥшшәы иааанагоит акрыфарҭа, акаҳуажәырҭа, адәқьан, ма даҽа хыбрак ахь ԥынгылада инеир шауа, аҩежь ԥшшәы — еиҳа имаҷны иманшәалоуп, аҟаԥшь — иманшәалоу аҭагылазаашьақәа зынӡа иҟаӡам. Ахәаԥшшәы иунарбоит ари аҭыԥ макьана ишҭҵаам", — азгәеиҭеит иара.
Ацифратә хсаала аиқәыршәараан иазгәаҭан апандусқәа, алифтқәа, ашәқәа рышәага-загақәа рыҟазаара, ашәхымсқәеи амардуанқәеи рыҟамзаара.
Актәи аетап аан уи иарбоуп иҭҵаау ахыбрақәеи ауаажәларратә ҵакырақәеи 200 иреиҵамкәа аҭыԥқәа, иара убас инагӡахоит адәахьтәи анавигациа аелементқәа змоу аԥышәаратә проектқәа хԥа.
Ҭҳагәышь иажәақәа рыла, "Инва-Содействие" аусзуҩцәа 2019 шықәса раахыс рцех аҿы амҿы иалху апандусқәа ҟарҵоит. Шықәсыбжак аҩнуҵҟа иазгәаҭоуп аԥҭекақәеи, адәқьанқәеи, акаҳуажәырҭақәеи, егьырҭ асоциалтә ҵакы змоу ахыбрақәеи рҿы 100 иреиҵамкәа амобилтә пандусқәа рышьақәыргылара.
Уажәшьҭа згәабзиаратә лшарақәа ԥку ауаа ахсаала ахархәарала ԥынгылада изҭаар рылшо аҭыԥқәа еилыркаалоит.
"Ахсаала асветофортә системала еиқәыршәоуп. Иаҳҳәап, аиаҵәа ԥшшәы иааанагоит акрыфарҭа, акаҳуажәырҭа, адәқьан, ма даҽа хыбрак ахь ԥынгылада инеир шауа, аҩежь ԥшшәы — еиҳа имаҷны иманшәалоуп, аҟаԥшь — иманшәалоу аҭагылазаашьақәа зынӡа иҟаӡам. Ахәаԥшшәы иунарбоит ари аҭыԥ макьана ишҭҵаам", — азгәеиҭеит иара.
Ацифратә хсаала аиқәыршәараан иазгәаҭан апандусқәа, алифтқәа, ашәқәа рышәага-загақәа рыҟазаара, ашәхымсқәеи амардуанқәеи рыҟамзаара.
Актәи аетап аан уи иарбоуп иҭҵаау ахыбрақәеи ауаажәларратә ҵакырақәеи 200 иреиҵамкәа аҭыԥқәа, иара убас инагӡахоит адәахьтәи анавигациа аелементқәа змоу аԥышәаратә проектқәа хԥа.
Ҭҳагәышь иажәақәа рыла, "Инва-Содействие" аусзуҩцәа 2019 шықәса раахыс рцех аҿы амҿы иалху апандусқәа ҟарҵоит. Шықәсыбжак аҩнуҵҟа иазгәаҭоуп аԥҭекақәеи, адәқьанқәеи, акаҳуажәырҭақәеи, егьырҭ асоциалтә ҵакы змоу ахыбрақәеи рҿы 100 иреиҵамкәа амобилтә пандусқәа рышьақәыргылара.
