Атуризм аминистрреи ФГКУ "Росгранстрои" аушьҭырҭатә ҭыԥ "Адлер" аиҭашьақәыргылара гәарҭеит
14:06 20.05.2026 (ирҿыцуп: 15:10 20.05.2026)
© Sputnik / Томас Тхайцук
Анапаҵаҩра
АҞӘА, лаҵара 20 — Sputnik. Аушьҭырҭатә ҭыԥ "Адлер" аиҭашьақәыргылара ахықәкы хадас иамоуп аушьҭратә лшара аизырҳареи аҳәаа иахысуа ауааԥсыра рзы иманшәалоу аинфраструктура аԥҵареи ҳәа азгәеиҭеит ФГКУ "Росгранстрои" анапхгаҩы иабжьгаҩ Михаил Семионов.
Иахьа Аԥсны атуризм аминистр Асҭамыр Логәуеи урыстәылатәи аделегациеи аушьҭырҭатә ҭыԥ аҿы аусурақәа рымҩаԥысшьа гәарҭеит.
Семионов иҳәеит аиҭашьақәыргылара ашьҭахь автотранспорт агәаҭара аамҭа 10 минуҭк рҟынӡа ишылаҟәуа. Аушьҭырҭатә ҭыԥ аинфраструктура зегьы шьаҭанкыла аҽаԥсахуеит — ацәаҳәақәа хазы-хазхоит аидарамҩангагеи, автобусқәеи, амашьына ласқәеи рзы.
"Ари, уахыки-ҽнаки рыҩнуҵҟа 80,5 нызқьҩык рҟынӡа ауааԥсыреи 14 нызқь атранспортхки рҟынӡа роушьҭраз алшара еизнарҳауеит. Иахьазы еиҳа ихадоу атехнологиатә ҭахрақәа рзы аусурақәа мҩаԥысуеит, урҭ аушьҭратә лшара зынӡаскгьы анырра арҭаӡом", — ҳәа азгәеиҭеит Семионов.
Асҭамыр Логәуа агәыӷра ааирԥшит арҭ аусурақәа анхыркәшахалак ашьҭахь аԥсуа ган аушьҭырҭатә ҭыԥ атәыла иаҵанакуа ахәҭаҿы аиҭашьақәыргылара иалагап ҳәа.
Аушьҭырҭатә ҭыԥ "Адлер" аиҭашьақәыргылара иалагеит лаҵарамза алагамҭазы. Аусурақәа рхыркәшара азгәаҭоуп 2028 шықәса актәи аԥшьбаразы.
Иахьа Аԥсны атуризм аминистр Асҭамыр Логәуеи урыстәылатәи аделегациеи аушьҭырҭатә ҭыԥ аҿы аусурақәа рымҩаԥысшьа гәарҭеит.
Семионов иҳәеит аиҭашьақәыргылара ашьҭахь автотранспорт агәаҭара аамҭа 10 минуҭк рҟынӡа ишылаҟәуа. Аушьҭырҭатә ҭыԥ аинфраструктура зегьы шьаҭанкыла аҽаԥсахуеит — ацәаҳәақәа хазы-хазхоит аидарамҩангагеи, автобусқәеи, амашьына ласқәеи рзы.
"Ари, уахыки-ҽнаки рыҩнуҵҟа 80,5 нызқьҩык рҟынӡа ауааԥсыреи 14 нызқь атранспортхки рҟынӡа роушьҭраз алшара еизнарҳауеит. Иахьазы еиҳа ихадоу атехнологиатә ҭахрақәа рзы аусурақәа мҩаԥысуеит, урҭ аушьҭратә лшара зынӡаскгьы анырра арҭаӡом", — ҳәа азгәеиҭеит Семионов.
Асҭамыр Логәуа агәыӷра ааирԥшит арҭ аусурақәа анхыркәшахалак ашьҭахь аԥсуа ган аушьҭырҭатә ҭыԥ атәыла иаҵанакуа ахәҭаҿы аиҭашьақәыргылара иалагап ҳәа.
Аушьҭырҭатә ҭыԥ "Адлер" аиҭашьақәыргылара иалагеит лаҵарамза алагамҭазы. Аусурақәа рхыркәшара азгәаҭоуп 2028 шықәса актәи аԥшьбаразы.
