Олег Барцыц: Аԥсни Қырҭтәылеи рҳәааҿы аҭагылазаашьа ҭышәынтәалоуп
18:40 20.05.2026 (ирҿыцуп: 22:42 20.05.2026)
© Sputnik / Марианна Кубрава
Анапаҵаҩра
АҞӘА, лаҵара 20 — Sputnik. Аԥсни Қырҭтәылеи рҳәааҿы аҭагылазаашьа ҭышәынтәалоуп ҳәа азгәеиҭеит Аԥсны адәныҟатәи аусқәа рминистр Олег Барцыц.
Аԥснытәи аҳәаахьчацәа урыстәылатәи рколлегацәа рыцны аҭагылазаашьа ахылаԥшреи ауааԥсыра ршәарҭадара аиқәыршәареи ирызку аусмҩаԥгатәқәа зегьы нарыгӡоит.
Иара иазгәеиҭеит, мызкы ашьҭахь Женеватәи аиҿцәажәарақәа 67-тәи араунд мҩаԥысран ишыҟоу. Уаҟа аԥсуа ган даҽазныкгьы ишьақәнарӷәӷәоит аимак-аиҿак ҭынчмҩала, адипломатиатә мҩала аӡбара ишазхиоу.
Армчқәа рхамырхәаразы мап ацәкразы аиқәшаҳаҭра анапаҵыҩра азҵаара шьҭнахуеит Аԥсны, аха Қырҭтәыла ас еиԥш ажәалагала иааиԥмырҟьаӡакәа мап ацәнакуеит ҳәа инаҵшьны иазгәеиҭеит Барцыц.
Аԥснытәи аҳәаахьчацәа урыстәылатәи рколлегацәа рыцны аҭагылазаашьа ахылаԥшреи ауааԥсыра ршәарҭадара аиқәыршәареи ирызку аусмҩаԥгатәқәа зегьы нарыгӡоит.
Иара иазгәеиҭеит, мызкы ашьҭахь Женеватәи аиҿцәажәарақәа 67-тәи араунд мҩаԥысран ишыҟоу. Уаҟа аԥсуа ган даҽазныкгьы ишьақәнарӷәӷәоит аимак-аиҿак ҭынчмҩала, адипломатиатә мҩала аӡбара ишазхиоу.
Армчқәа рхамырхәаразы мап ацәкразы аиқәшаҳаҭра анапаҵыҩра азҵаара шьҭнахуеит Аԥсны, аха Қырҭтәыла ас еиԥш ажәалагала иааиԥмырҟьаӡакәа мап ацәнакуеит ҳәа инаҵшьны иазгәеиҭеит Барцыц.
"Ҳара ҳазлацәажәо иҟоу ауп — Қырҭтәыла азаигәара ихьыԥшым ҩ-тәылак — Аԥсни Аахыҵ Уаԥстәылеи шыҟоу. Ҳара ԥхьаҟагьы ҳәынҭқарратә милаҭтә проект аларҵәара ҳазыхиоуп, уи хымԥада ҳасаб азухоит", — ҳәа инаҵшьны иазгәеиҭеит иара.
Аԥсны аекономика аҿиареи, абзазаратә ҩаӡара аиӷьтәреи, амчратә усбарҭақәа реиқәыршәаразы, иҷыдоу амаҵзурақәеи аҳәаахьчаратә еилазаарақәеи уахь иналаҵаны ирыдҳәалоу аусмҩаԥгатәқәа зегьы ихаҭәаан инанагӡоит ҳәа азгәеиҭеит адипломат.
