Аԥсны ахадарахьы акандидатцәа рзы ақәратә ҩаӡара аиҭакрақәа алагалараз ажәалагала ҟаҵоуп
16:03 21.05.2026 (ирҿыцуп: 17:55 21.05.2026)
© Sputnik / Томас Тхайцук
Анапаҵаҩра
Иахьа аҳәынҭқарратә-зинтә политиказы Аилак аилатәара алхрақәа рзы азакәан апроект аиҭакрақәа ралагалара иазкын.
АҞӘА, лаҵара 21 — Sputnik. Аҳәынҭқарра-зинтә политиказы аилак абжьгара ҟанаҵеит Аԥсны ахадарахьы акандидатцәа рзы ақәратә ҩаӡара иреиҵоу 35 шықәса инаркны 40 шықәса рҟынӡа ишьҭыхзарц, иреиҳау — 70 шықәса рҟынӡа.
Апарламент адепутатрахь акандидатцәа рзы абжьгара ҟаҵоуп 25 шықәса инаркны 30 шықәса рҟынӡа иреиҵоу ақәратә ҩаӡара шьҭыхзарц, иреиҳау – ԥкырада иҟазарц.
Аконституциатә закәан "Аԥсны Жәлар Реизара — Апарламент адепутатрахь алхрақәа рзы" ариашарақәа рыдигалеит Дауҭ Хәытаба.
Бжьеиҳала арҭ ариашарақәа х-ԥхьарак рҟынтәи аҩбатәи ахь ахәаԥшразы инашьҭуп.
Адепутатцәа ргәаанагара рҳәеит акандидатцәа аԥсҭазааратәи азанааҭтәи ԥышәа рымазароуп ҳәа. Убри аан, шьоукы ақәратә ҩаӡара ашьҭыхра аҿар аполитикатә зҿлымҳареи активреи рымнахуеит ҳәа ирыԥхьаӡоит.
Аилатәара иара убас рхы аладырхәит Аԥсны ахада Апарламент аҿы ихаҭарнак Дмитри Шамба, Алхратә комиссиа хада аиҳабы Дмитри Маршьан, аполитикатә партиақәеи ауаажәларратә еиҿкаарақәеи рлахәылацәа.
Апарламент адепутатрахь акандидатцәа рзы абжьгара ҟаҵоуп 25 шықәса инаркны 30 шықәса рҟынӡа иреиҵоу ақәратә ҩаӡара шьҭыхзарц, иреиҳау – ԥкырада иҟазарц.
Аконституциатә закәан "Аԥсны Жәлар Реизара — Апарламент адепутатрахь алхрақәа рзы" ариашарақәа рыдигалеит Дауҭ Хәытаба.
Бжьеиҳала арҭ ариашарақәа х-ԥхьарак рҟынтәи аҩбатәи ахь ахәаԥшразы инашьҭуп.
Адепутатцәа ргәаанагара рҳәеит акандидатцәа аԥсҭазааратәи азанааҭтәи ԥышәа рымазароуп ҳәа. Убри аан, шьоукы ақәратә ҩаӡара ашьҭыхра аҿар аполитикатә зҿлымҳареи активреи рымнахуеит ҳәа ирыԥхьаӡоит.
Аилатәара иара убас рхы аладырхәит Аԥсны ахада Апарламент аҿы ихаҭарнак Дмитри Шамба, Алхратә комиссиа хада аиҳабы Дмитри Маршьан, аполитикатә партиақәеи ауаажәларратә еиҿкаарақәеи рлахәылацәа.
