Кавказтәи аибашьраҿы иҭахаз ргәалашәара иазкны Аҟәатәи аԥшаҳәаҿы аныҟәара мҩаԥысит
20:03 21.05.2026 (ирҿыцуп: 22:46 21.05.2026)
© Sputnik / Томас Тхайцук
Анапаҵаҩра
АҞӘА, лаҵара 21 — Sputnik. Кавказтәи аибашьраҿы иҭахаз ргәалашәара иазкны Аҟәатәи аԥшаҳәаҿы аныҟәара мҩаԥысит.
Акциа алахәылацәа традициала амилаҭтә маҭәа рышәҵаны, Багаԥшь ихьӡ зху ашҭа инаркны Амҳаџьырцәа рбаҟа аҟынӡа инеит аԥсуааи адыгааи рбираҟқәеи, агербқәеи, аҵәыџьқәеи кны.
Иара убас ашҭаҿы асимволтә цахақәа рзыршеит.
1864 шықәса лаҵара 21 рзы Кавказтәи аибашьра хыркәшахеит. Аибашьра ашьҭахь жәанызқьҩыла аԥсуаа рҭоурыхтә ԥсадгьыл ааныжьны Османтәи аимпериахь ихымҵәар ада ԥсыхәа рмоуӡеи.
Есышықәса ари амш азгәарҭоит адунеи атәылақәа рҿы инхо ҳдиаспорагьы. Аԥсуаа рхылҵшьҭрақәа иахьа адунеи 50 тәыла рҟны инхоит, реиҳараҩык — Ҭырқәтәыла.
Акциа алахәылацәа традициала амилаҭтә маҭәа рышәҵаны, Багаԥшь ихьӡ зху ашҭа инаркны Амҳаџьырцәа рбаҟа аҟынӡа инеит аԥсуааи адыгааи рбираҟқәеи, агербқәеи, аҵәыџьқәеи кны.
Иара убас ашҭаҿы асимволтә цахақәа рзыршеит.
1864 шықәса лаҵара 21 рзы Кавказтәи аибашьра хыркәшахеит. Аибашьра ашьҭахь жәанызқьҩыла аԥсуаа рҭоурыхтә ԥсадгьыл ааныжьны Османтәи аимпериахь ихымҵәар ада ԥсыхәа рмоуӡеи.
Есышықәса ари амш азгәарҭоит адунеи атәылақәа рҿы инхо ҳдиаспорагьы. Аԥсуаа рхылҵшьҭрақәа иахьа адунеи 50 тәыла рҟны инхоит, реиҳараҩык — Ҭырқәтәыла.
