Аԥсуа драматә театр аҿы имҩаԥысуеит ашәҟәы "Даур Занҭариа: Аҟәа иԥшааз ашәҟәы" аӡыргара
12:57 25.05.2026 (ирҿыцуп: 13:22 25.05.2026)
© Sputnik / Томас Тхайцук
Анапаҵаҩра
АҞӘА, лаҵара 25 — Sputnik. Аԥсуа драматә театр афоие аҿы имҩаԥысуеит ашәҟәы "Даур Занҭариа: Аҟәа иԥшааз ашәҟәы" аӡыргара.
Аусмҩаԥгатә рхы аладырхәит аҳәынҭқарра ахада Бадра Гәынба, ашәҟәы автор Максим Гуреев, ашәҟәыҩҩы иҭаацәа, арҿиаратә интеллигенциа, ауаажәларра.
Аусмҩаԥгатә рхы аладырхәит аҳәынҭқарра ахада Бадра Гәынба, ашәҟәы автор Максим Гуреев, ашәҟәыҩҩы иҭаацәа, арҿиаратә интеллигенциа, ауаажәларра.
"Даур иниҵаз 48 шықәса ирылагӡаны илшеит, акритикцәеи ауаажәларреи рҟынтәи абзиабара ду зауз аԥсышәалеи аурыс бызшәалеи аҩымҭақәа раԥҵара. Иара аԥсуеи адунеизегьтәи акультуреи рзы акыр зҵазкуа аҭынха нижьит", — ҳәа иҳәеит ашәҟәыҩҩы Даур Начҟьебиа.
Иара иазгәеиҭеит, Даур Занҭариа иԥсҭазаара зегьы зныԥшуа ашәҟәы шиҩыз, зыгәаанагара адунеи зегьы аҿы ахә ҳаракны иршьо, еицырдыруа урыстәылатәи ашәҟәыҩҩы, асценарист, арежиссиор Максим Гуреев.
Аусмҩаԥгатә еиҿыркааит Аԥсны аиҳабыра, Циза Гәымԥҳа напхгара зылҭо агәыҳалалратә ауаажәларратә еиҿкаара "Амилаҭ малқәа", иара убас Аԥсны аҳәынҭқарратә шәҟәҭыжьырҭа аиҳабы Даур Начҟьебиеи рыцхыраарала.
Аԥсуа шәҟәыҩҩы, аҭоурыхтә романқәеи ажәабжьқәеи равтор Даур Занҭариа диит лаҵара 25 1953 шықәсазы.
Ипрозаҿы иара иааирԥшит аԥсуа қыҭа ԥсҭазаара, аҵасқәеи ақьабзқәеи, аишәачарақәа, алегендақәа, иахьатәи аамҭа.
Аԥсуа шәҟәыҩҩы, аҭоурыхтә романқәеи ажәабжьқәеи равтор Даур Занҭариа диит лаҵара 25 1953 шықәсазы.
Ипрозаҿы иара иааирԥшит аԥсуа қыҭа ԥсҭазаара, аҵасқәеи ақьабзқәеи, аишәачарақәа, алегендақәа, иахьатәи аамҭа.
