https://sputnik-abkhazia.info/20260525/1063260011.html

Бадра Гәынба Тҟәарчал араион аҿы иҟалаз аԥхасҭа атәы дазааҭгылеит

Бадра Гәынба Тҟәарчал араион аҿы иҟалаз аԥхасҭа атәы дазааҭгылеит

Sputnik Аҧсны

АҞӘА, лаҵара 25 — Sputnik. Зегь реиҳа Тҟәарчал араион аҿы аҭагылазаашьа цәгьоуп ҳәа азгәеиҭеит аҳәынҭқарра ахада Бадра Гәынба, аӡхыҵрақәа ахьыҟалаз Аԥсны... 25.05.2026, Sputnik Аҧсны

2026-05-25T20:25+0300

2026-05-25T20:25+0300

2026-05-25T21:04+0300

аԥсны

ажәабжьқәа

аԥсны

тҟәарчал араион

бадра гәынба

https://cdnn1.img.sputnik-abkhazia.info/img/07e9/04/17/1054567066_0:160:3072:1888_1920x0_80_0_0_77588ec6d4c393ecdfc8c025bb3d18f4.jpg

АҞӘА, лаҵара 25 — Sputnik. Зегь реиҳа Тҟәарчал араион аҿы аҭагылазаашьа цәгьоуп ҳәа азгәеиҭеит аҳәынҭқарра ахада Бадра Гәынба, аӡхыҵрақәа ахьыҟалаз Аԥсны мрагыларатәи ахәҭа аҭаара ашьҭахь.Араион аҿы аӡхыҵрақәа ирыхҟьаны ацҳақәа ааха роуит, амҩақәа аӡы иаӡәӡәеит, ақыҭақәак руааԥсыра аамҭала ақыҭа изалҵӡом ҳәа иҳәеит аҳәынҭқарра ахада.Атәыла ахада иазгәеиҭеит аҭыԥантәии ареспубликатәи аиҳабыра ауааԥсыра рыцхырааразы иахәҭоу аусмҩаԥгатәқәа зегьы шымҩаԥырго. Ихымԥадатәиу атауарқәа рнагара еиҿкаауп, ауааԥсыра рыҩнқәа рахь рнеиразы аамҭалатәи амҩақәа реиҭашьақәыргыларазы аусурақәа хацыркуп ҳәа аанацҳауеит аҳәынҭқарра ахада ипресс-маҵзура.Иара убас, ааха зауз аҩнқәа рхыԥхьаӡареи, иҟоу аԥхасҭа аилкаареи рзы адҵақәа рыҭоуп. Бадра Гәынба инаҵшьны иазгәеиҭеит аҭакԥхықәра зду акомиссиа ааха зауз ауаа иахәҭоу аматериалтәи аиҿкааратәи цхыраара шырзыҟарҵо.Аҳәынҭқарра ахада иара убас адырра ҟаиҵеит, уаҵәы инаркны ааха зауз аҭыԥқәа рахь аинфраструктура аиҭашьақәыргыларазы аиқәыршәагақәа шдәықәҵахо.Амшцәгьа Гәылрыԥшьи Очамчыреи рраионқәа рҿгьы аԥхасҭа ҟанаҵеит, уаҟагьы аусурақәа мҩаԥысуеит, иҟалаз аԥхасҭа аилкааразы адҵақәа рыҭоуп.

https://sputnik-abkhazia.info/20260525/1063255554.html

тҟәарчал араион

2026

Ажәабжьқәа

ab_AB

ажәабжьқәа, аԥсны, тҟәарчал араион, бадра гәынба