https://sputnik-abkhazia.info/20260525/1063255554.html

Бадра Гәынба аӡхыҵра иахҟьаны ааха зауз Гәылрыԥшь араион даҭааит

Бадра Гәынба аӡхыҵра иахҟьаны ааха зауз Гәылрыԥшь араион даҭааит

Sputnik Аҧсны

Аԥхасҭа ахҟьаԥҟьақәа раԥыхразы араион аусбарҭақәеи аҟәшақәеи зегьы русура рӷәӷәоуп. 25.05.2026, Sputnik Аҧсны

2026-05-25T16:54+0300

2026-05-25T16:54+0300

2026-05-25T17:46+0300

аԥсны

ажәабжьқәа

аԥсны

гәылрыԥшь араион

https://cdnn1.img.sputnik-abkhazia.info/img/07ea/05/19/1063255725_0:32:1342:787_1920x0_80_0_0_d3ecb3941e7e83817b429e9e6b4dd0d0.png

АҞӘА, лаҵара 25 — Sputnik. Бадра Гәынба аӡхыҵра иахҟьаны ааха зауз Гәылрыԥшь араион даҭааит.Аҳәынҭқарра ахада иҟалаз аԥхасҭа аӡбаразы анапынҵақәа ҟаиҵеит ҳәа Sputnik иазеиҭеиҳәеит араион ахада ихаҭыԥуаҩ Нури Ҭарба."Атәыла ахада аԥсабаратә рыцҳара иахҟьаны ааха зауз Дранда аҳабла даҭаан ибеит. Иҟаҵан иалкаау анапынҵақәа, урҭ нагӡахоит", — ҳәа азгәеиҭеит иара.Ақәаршҩы ӷәӷәа иахҟьаны араион қыҭақәак аӡы рыҵалеит. Еиҳарак ааха роуит Дранда, Ԥшьаԥ, Маҷара ахәҭак, Гәылрыԥшь аҳабла."Уажәазы, аӡхыҵра ахҟьаԥҟақәа аԥыхразы аусурақәа цоит, амҩақәеи аӡқәа ахьхыҵыз аҭыԥқәеи рыцқьоуп, амҩаду хада аус ауеит" — ҳәа иҳәеит Ҭарба.Уаанӡа еиҿкааз аԥсабаратә рыцҳара аахақәа раԥыхразы акомиссиа аусура иацҵахоит, ауааԥсыра уи иадҵаалартә еиԥш аҭагылазаашьа роуеит ҳәа инаҵшьны иазгәеиҭеит иара.Аԥхасҭа ахҟьаԥҟьақәа раԥыхразы араион аусбарҭақәеи аҟәшақәеи зегьы русура рӷәӷәоуп ҳәа иҳәеит Гәылрыԥшь араион ахада ихаҭыԥуаҩ.

гәылрыԥшь араион

2026

Ажәабжьқәа

ab_AB

ажәабжьқәа, аԥсны, гәылрыԥшь араион