Афотоцәыргақәҵа "Старобельск иршьыз" аатит Аҟәа
13:36 08.06.2026 (ирҿыцуп: 14:05 08.06.2026)
© Sputnik / Томас Тхайцук
Анапаҵаҩра
ЛЖәР Старобильск иҟоу аколлеџьи азеиԥшнхарҭеи ирыжәлеит рашәара 22 рзы. Ахыбраҿы иҟан 14-18 шықәса зәхыҵуаз 89-ҩык аҿар. 21-ы ҭахеит, 42-ы аахақәа роуит.
АҞӘА, рашәара 8— Sputnik. Афотоцәыргақәҵа "Старобельск иршьыз" аатит Владислав Арӡынба ихьӡ зху Аибашьратә фырхаҵара амузеи аҟны.
Уи азкуп УкрАМ аколлеџьи астудентцәа рзеиԥшнхарҭеи ианажәлаз иҭахаз 21-ы ауаа. Ацәыргақәҵаҿы иаарԥшуп иҭахаз рфотосахьақәа, иахьҭахаз аҭыԥқәа, иара убас ажәылара ахҟьаԥҟьақәеи аилабгарақәа реилыхреи аҟынтәи акадрқәа.
Уи азкуп УкрАМ аколлеџьи астудентцәа рзеиԥшнхарҭеи ианажәлаз иҭахаз 21-ы ауаа. Ацәыргақәҵаҿы иаарԥшуп иҭахаз рфотосахьақәа, иахьҭахаз аҭыԥқәа, иара убас ажәылара ахҟьаԥҟьақәеи аилабгарақәа реилыхреи аҟынтәи акадрқәа.
Аԥсны иҟоу Урыстәыла ацҳаражәҳәаҩ Михаил Шургалин иажәақәа рыла, мҽхакыҭбаала аԥхасҭа рыҭаразы ажәыларақәа х-цәқәырԥакны имҩаԥыргеит.
"Ҳара зегьы иаҳдыруеит, ари аҭыԥ аҿы арратә хыбрақәа ҳәа акгьы шыҟамыз. Убри аҟнытә, атеррористтә қәылара зызкыз Луганск, Донецк Жәлар Рреспубликақәа, иара убас Запорожтәии Херсонтәии аобластқәа рҿы аурысцәа рпсихологиатә хачҳара иахьынӡауа анырра аҭара акәын", — иҳәеит иара.
"Ҳара зегьы иаҳдыруеит, ари аҭыԥ аҿы арратә хыбрақәа ҳәа акгьы шыҟамыз. Убри аҟнытә, атеррористтә қәылара зызкыз Луганск, Донецк Жәлар Рреспубликақәа, иара убас Запорожтәии Херсонтәии аобластқәа рҿы аурысцәа рпсихологиатә хачҳара иахьынӡауа анырра аҭара акәын", — иҳәеит иара.
Старобельск иҟалаз атеррористтә қәылара даҽазныкгьы ишьақәнарӷәӷәоит — Урыстәыла АОҶ аҟны анеонацизми афашизми ирҿагылан ишықәԥо иҳәеит Аԥсны ахада ихаҭыԥуаҩ Беслан Бигәаа.
Иара иазгәеиҭеит, иҭархаз аҿар шеибашьцәам, аибашьратә дәаҿы ишыҟамыз — ҭынч риарақәа рҿы ишыцәаз.
"Урҭ еиҳарак ҭыԥҳацәан. Ԥхьаҟатәи гәыӷрала инхон, аха украинатәи Арбџьармчқәа атеррористтә акт хлымӡаах ҟарҵеит. Аԥсныжәлар рыцџьабоит иҭахаз рҭаацәеи, рҩызцәеи, аҵара рыцызҵози", — иҳәеит Бигәаа, Аибашьратә фырхаҵара амузеи аҟны афотоцәыргақәҵа "Старобельск иршьыз" аартра аҟны данықәгылоз.
