Асахьаркыратә гимнастиказы аицлабра "Ахәыҷра ашәыгақәа" мҩаԥысит Аҟәа
17:18 29.06.2026 (ирҿыцуп: 17:35 29.06.2026)
© telegram sputnik_apsny_info
Анапаҵаҩра
Аицлабра рхы аладырхәит шәҩык инарзынаԥшуа Аԥсны, Урыстәыла, Аахыҵ Уаԥстәыла рҟынтәи аспортсменцәа.
АҞӘА, рашәара 29 — Sputnik. Асахьаркыратә гимнастиказы аицлабра "Ахәыҷра ашәыгақәа" мҩаԥысит Аҟәа.
Ахәыҷы-хбыҿтә спорттә школ (ДЮСШ ) №1 адиректор Татиана Емхааԥҳа Sputnik ишазеиҭалҳәаз ала, аицлабрақәа азкуп Аԥсны аҳҭнықалақь шьаҭаркуижьҭеи 2510 шықәса аҵра. Уи рхы аладырхәит ареспублика адагьы Урыстәыла арегионқәа Аахыҵ Уаԥстәылеи рҟынтәи 5-14 шықәса зхыҵуа 90-ҩык аспортсменцәа.
Ахәыҷы-хбыҿтә спорттә школ (ДЮСШ ) №1 адиректор Татиана Емхааԥҳа Sputnik ишазеиҭалҳәаз ала, аицлабрақәа азкуп Аԥсны аҳҭнықалақь шьаҭаркуижьҭеи 2510 шықәса аҵра. Уи рхы аладырхәит ареспублика адагьы Урыстәыла арегионқәа Аахыҵ Уаԥстәылеи рҟынтәи 5-14 шықәса зхыҵуа 90-ҩык аспортсменцәа.
"Аицлабрақәа рымҽхак ҭбаан, иԥшӡаны имҩаԥысит. Аҽазыҟаҵара аҩаӡара, ҳәарада, агәыԥ зеиԥшроу иаҿырԥшны еиуеиԥшым. Иааидкыланы уахәаԥшуазар, аицлабра маншәалахеит. Ари аҩбатәи еицлабран, даара ҳақәгәыӷуеит уи есышықәсатәи еицлабрахоит ҳәа", – азгәалҭеит лара.
Ироуз акәаталақәа рыла аиааира ргеит Аҟәеи, Аахыҵ Уаԥстәылеи, Краснодартәи атәылаҿацә астаница Старовеличковскаиеи ркомандақәа.
Ачемпионат аԥхьахәгаҩцәеи алахәылацәеи аспонсорцәа рҟынтәи ахраҿақәеи, амедалқәеи, аҳаҭыртә шәҟәқәеи, аҳамҭақәеи ранашьан.
Ачемпионат аԥхьахәгаҩцәеи алахәылацәеи аспонсорцәа рҟынтәи ахраҿақәеи, амедалқәеи, аҳаҭыртә шәҟәқәеи, аҳамҭақәеи ранашьан.
