Касланӡиаԥҳа: Ӡиӡариа ихьӡ зху апремиа 2004 шықәса раахыс 26-ҩык аҵарауаа иранаршьахьеит
15:57 30.06.2026 (ирҿыцуп: 16:20 30.06.2026)
© Sputnik
Анапаҵаҩра
АҞӘА, рашәара 30 — Sputnik. Ӡиӡариа ихьӡ зху апремиа 2004 шықәсазы ианшьаҭаркыз аахыс 26-ҩык аҵарауаа иранаршьахьеит ҳәа азгәалҭеит арадио Sputnik аефир аҟны аԥхьахә азы акомиссиа аҭакзыԥхықәу амаӡаныҟәгаҩ Наала Касланӡиаԥҳа.
Алауреатцәа раӷьырак Аԥсны адагьы аҳәаанырцәгьы зыхьӡ рдыруа аҭҵаарадырратә усзуҩцәоуп.
Алауреатцәа раӷьырак Аԥсны адагьы аҳәаанырцәгьы зыхьӡ рдыруа аҭҵаарадырратә усзуҩцәоуп.
"Аԥхьахә иалауреатцәан, иаҳҳәап, Лидиа Платон-иԥҳа Ҷкадуа, Шоҭа Ҟасҭеи-иԥа Арсҭаа, Шоҭа Хьыҷ-иԥа Салаҟаиа, Сергеи Лад-иԥа Зыхәба. Убри аҟнытә, ҳәарада, аԥхьахә даара иҳамҭа дууп. Ари аԥхьахә иазгәанаҭоит Аԥсны аҳәынҭқарра аҭҵаарадырра аҿаԥхьа алшамҭақәа",— ҳәа лҳәеит лара.
Аԥхьахә аиуразы иқәдыргылар ҟалоит амонографиақәа, аколлективтәқәагьы налаҵаны, иреиҳау аҵараиурҭақәа рзы арҵага шәҟәқәа, академиатә жәарқәа, томрацәала иҟоу афундаменталтә ҭҵаарадырратә усумҭақәа уахь иналаҵаны.
Гьаргь Ӡиӡариа ихьӡ зху аҳәынҭқарратә премиа хышықәса рахь знык иранашьахоит агуманитартәи аԥсабаратәи аҭҵаарадыррақәа рганахьала аихьӡара дуқәа рзы. Аԥхьахә 200 нызықь мааҭ ыҟоуп.
Сынтәа арзаҳалқәа рыдкылара хыркәшоуп. Аихшьаалақәа ҟаҵахоит 2026 шықәса цәыббрамзазы.
Гьаргь Ӡиӡариа ихьӡ зху аҳәынҭқарратә премиа хышықәса рахь знык иранашьахоит агуманитартәи аԥсабаратәи аҭҵаарадыррақәа рганахьала аихьӡара дуқәа рзы. Аԥхьахә 200 нызықь мааҭ ыҟоуп.
Сынтәа арзаҳалқәа рыдкылара хыркәшоуп. Аихшьаалақәа ҟаҵахоит 2026 шықәса цәыббрамзазы.
