Аԥкьаҭмпыл асраз Аҟәеи Самареи ркомандақәа аиҩызаратә еиндаҭлара мҩаԥыргеит
19:04 04.07.2026 (ирҿыцуп: 19:34 04.07.2026)
CC0 / /
Анапаҵаҩра
АҞӘА, ԥхынгәы 4 — Sputnik. Аԥкьаҭмпыл асраз Аҟәеи Самареи ркомандақәа аиҩызаратә еиндаҭлара мҩаԥыргеит Аԥсны аҳҭнықалақь аҿы.
Аспортсменцәа ҩыџьа-ҩыџьала реиԥыларақәа рҿы актәи аҭыԥ ааныркылеит Самарантәи Матвеи Ковицини Аҟәантәи Нинель Чалукиани.
Аҩбатәи аҭыԥ — Енри Кримери Ханна Малиаԥҳаи, ахԥатәи аҭыԥ — Никита Книазеви Николь Чалукиани.
Аусмҩаԥгатә аартра иалахәын Самара ақалақь ахада ихаҭыԥуаҩ Иулиа Ашурковеи Аԥсны аԥкьаҭмпыл афедерациа ахада Беслан Қарчааи.
Аԥсны Самара амшқәа мҩаԥысраны иҟоуп ԥхынгәы 2-6 рзы. Аҟәеи Гәдоуҭеи имҩаԥгахоит аспорттә еицлабрақәа, аконцертқәа, ацәыргақәҵақәа, амастер-классқәа, аквизқәа, ахәмаррақәа, уҳәа убас Самаратәи аҟазаратә коллективқәеи аспортсменцәеи злахәу егьырҭ аусмҩаԥгатәқәгьы. Самарантәи иааз аделегациа Афон ҿыци амилаҭтә парк "Аԥсни" аекскурсиа рзымҩаԥыргеит.
Аусмҩаԥгатәқәа 2025 шықәсазы Аҟәеи Гәдоуҭеи Самареи аусеицуразы ирыбжьарҵаз аиқәшаҳаҭра аҳәаақәа ирҭагӡаны имҩаԥысуеит.
Аспортсменцәа ҩыџьа-ҩыџьала реиԥыларақәа рҿы актәи аҭыԥ ааныркылеит Самарантәи Матвеи Ковицини Аҟәантәи Нинель Чалукиани.
Аҩбатәи аҭыԥ — Енри Кримери Ханна Малиаԥҳаи, ахԥатәи аҭыԥ — Никита Книазеви Николь Чалукиани.
Аусмҩаԥгатә аартра иалахәын Самара ақалақь ахада ихаҭыԥуаҩ Иулиа Ашурковеи Аԥсны аԥкьаҭмпыл афедерациа ахада Беслан Қарчааи.
Аԥсны Самара амшқәа мҩаԥысраны иҟоуп ԥхынгәы 2-6 рзы. Аҟәеи Гәдоуҭеи имҩаԥгахоит аспорттә еицлабрақәа, аконцертқәа, ацәыргақәҵақәа, амастер-классқәа, аквизқәа, ахәмаррақәа, уҳәа убас Самаратәи аҟазаратә коллективқәеи аспортсменцәеи злахәу егьырҭ аусмҩаԥгатәқәгьы. Самарантәи иааз аделегациа Афон ҿыци амилаҭтә парк "Аԥсни" аекскурсиа рзымҩаԥыргеит.
Аусмҩаԥгатәқәа 2025 шықәсазы Аҟәеи Гәдоуҭеи Самареи аусеицуразы ирыбжьарҵаз аиқәшаҳаҭра аҳәаақәа ирҭагӡаны имҩаԥысуеит.
