https://sputnik-abkhazia.info/20260704/1064137422.html

Бадра Гәынба Ҳабҩықә ашьхаҿы иҭахаз абаталион "Горец" аибашьцәа игәалаиршәеит

Бадра Гәынба Ҳабҩықә ашьхаҿы иҭахаз абаталион "Горец" аибашьцәа игәалаиршәеит

Sputnik Аҧсны

1993 шықәса ииуль 4 рзы 40-ҩык инареиҳаны аибашьцәа злахәыз абаталион "Горец" адесант астратегиатә ҟазшьа змаз Ҳабҩықә аҳаракыраҿы атәара рҽазыршәеит. 04.07.2026, Sputnik Аҧсны

2026-07-04T19:21+0300

2026-07-04T19:21+0300

2026-07-04T19:50+0300

аԥсны

ажәабжьқәа

аԥсны

бадра гәынба

https://cdnn1.img.sputnik-abkhazia.info/img/07ea/07/04/1064137097_0:0:1280:720_1920x0_80_0_0_bd4b39aac2c8f3babe4721638e0077c2.jpg

АҞӘА, ԥхынгәы 4 — Sputnik. Бадра Гәынба Ҳабҩықә ашьхаҿы иҭахаз абаталион "Горец" аибашьцәа игәалаиршәеит.Ашәҭшьҭаҵара рхы аладырхәит аҳәынҭқарра ахада ихаҭыԥуаҩ Беслан Бигәаа, Жәлар Реизара ахантәаҩы Лаша Ашәба, аветеранцәа, арратә маҵзурауаа, иҭахаз ранацәа, ауаажәларра ҳәа аанацҳауеит атәыла ахада ипресс-маҵзура.Аҳәынҭқарра ахада азгәеиҭеит, зықьҩыла Аԥсадгьыл ахьчаҩцәа рыԥсадгьыл ахақәиҭра рхы шақәырҵаз, урҭ ргәымшәареи, рыԥсадгьыл абзиабареи, уи аԥеиԥш агәрагареи — иахьатәи аҳәынҭқарра шьаҭас ишыҟалаз.Бадра Гәынба иҳәеит, Аԥсны аҭоурыхаҿ иуадаҩыз аамҭақәа раан аԥсуа жәлар есымша акзаареи аидгылареи шырхьчоз, аибашьцәа рфырхаҵара наунагӡа амилаҭ ргәалашәараҿы ишанхо. Аҳәынҭқарра ахада аветеранцәа ҭабуп ҳәа реиҳәеит иахьагьы Аԥсны аизҳазыӷьара аџьабаа ахьазырбо.1993 шықәса ииуль 4 рзы 40-ҩык инареиҳаны аибашьцәа злахәыз абаталион "Горец" адесант астратегиатә ҟазшьа змаз Ҳабҩықә аҳаракыраҿы атәара рҽазыршәеит.Урҭ иаразнак аӷа мцала дрыжәлеит. 17-ҩык рыԥсы еиқәхеит, ӷәӷәала ихәыз рацәаҩын.

2026

Ажәабжьқәа

ab_AB

ажәабжьқәа, аԥсны, бадра гәынба