Самаратәи артистцәа Аҟәа ақалақь Амш азгәаҭара аламҭалазы аконцерт аҽазыҟаҵара мҩаԥыргеит
21:20 04.07.2026 (ирҿыцуп: 21:35 04.07.2026)
© Sputnik
Анапаҵаҩра
АҞӘА, ԥхынгәы 4 — Sputnik. Самаратәи артистцәа Аҟәа ақалақь Амш азгәаҭара аламҭалазы аконцерт аҵыхәтәантәи аҽазыҟаҵара мҩаԥыргеит.
Ахәыҷтәы музыкатә театр "Задумка" асценаҿы Самаратәи аԥсыԥтә оркестр иацықәгылоит уаҵәы.
Ахәыҷтәы музыкатә театр "Задумка" асценаҿы Самаратәи аԥсыԥтә оркестр иацықәгылоит уаҵәы.
Аколлектив асахьаркыратә напхгаҩы, адирижиор хада Алексеи Рыбин иажәақәа рыла, аныҳәа азы ҷыдала еиқәыршәоуп аоркестр иреиӷьу арҿиамҭақәа згәылоу апрограмма.
Иара иҳәеит, Аҟәа ауааԥсыра рзы ҳамҭа хадас иҟалоит аранжировка ҿыц зызу Аԥсны иазку ашәа. Уи наигӡоит Атеатр Ду ахкынагӡаҩ, самарантәи иааз Валери Макаров.
Аԥсны Самара амшқәа мҩаԥысраны иҟоуп ԥхынгәы 2-6 рзы. Аҟәеи Гәдоуҭеи имҩаԥгахоит аспорттә еицлабрақәа, аконцертқәа, ацәыргақәҵақәа, амастер-классқәа, аквизқәа, ахәмаррақәа, уҳәа убас Самаратәи аҟазаратә коллективқәеи аспортсменцәеи злахәу егьырҭ аусмҩаԥгатәқәгьы. Самарантәи иааз аделегациа Афон ҿыци амилаҭтә парк "Аԥсни" аекскурсиа рзымҩаԥыргеит.
Аусмҩаԥгатәқәа 2025 шықәсазы Аҟәеи Гәдоуҭеи Самареи аусеицуразы ирыбжьарҵаз аиқәшаҳаҭра аҳәаақәа ирҭагӡаны имҩаԥысуеит.
Иара иҳәеит, Аҟәа ауааԥсыра рзы ҳамҭа хадас иҟалоит аранжировка ҿыц зызу Аԥсны иазку ашәа. Уи наигӡоит Атеатр Ду ахкынагӡаҩ, самарантәи иааз Валери Макаров.
Аԥсны Самара амшқәа мҩаԥысраны иҟоуп ԥхынгәы 2-6 рзы. Аҟәеи Гәдоуҭеи имҩаԥгахоит аспорттә еицлабрақәа, аконцертқәа, ацәыргақәҵақәа, амастер-классқәа, аквизқәа, ахәмаррақәа, уҳәа убас Самаратәи аҟазаратә коллективқәеи аспортсменцәеи злахәу егьырҭ аусмҩаԥгатәқәгьы. Самарантәи иааз аделегациа Афон ҿыци амилаҭтә парк "Аԥсни" аекскурсиа рзымҩаԥыргеит.
Аусмҩаԥгатәқәа 2025 шықәсазы Аҟәеи Гәдоуҭеи Самареи аусеицуразы ирыбжьарҵаз аиқәшаҳаҭра аҳәаақәа ирҭагӡаны имҩаԥысуеит.
