https://sputnik-abkhazia.info/20260705/1064156252.html

Гәдоуҭатәи аԥшаҳәа арԥшӡара аиҳарак хыркәшоуп

Гәдоуҭатәи аԥшаҳәа арԥшӡара аиҳарак хыркәшоуп

Sputnik Аҧсны

Ирҿыцу аԥшаҳәа официалла аартра мҩаԥгахоит цәыббра 7 рзы, Ақалақь-фырхаҵа Гәдоуҭа Амш аҽны. 05.07.2026, Sputnik Аҧсны

2026-07-05T14:18+0300

2026-07-05T14:18+0300

2026-07-05T14:38+0300

аԥсны

ажәабжьқәа

аԥсны

гәдоуҭа араион

https://cdnn1.img.sputnik-abkhazia.info/img/07ea/07/05/1064154333_0:0:1280:720_1920x0_80_0_0_38f6ee923299e22fce432bf0d400eafa.jpg

АҞӘА, ԥхынгәы 5 — Sputnik. Гәдоуҭатәи аԥшаҳәа арԥшӡара аиҳарак хыркәшоуп.Аԥсны ахада Бадра Гәынба имҩаԥигоу аус атәы изеиҭеиҳәеит Гәдоуҭа араион ахада Асҭамыр Аргәын. Иара иажәақәа рыла, ишьҭаҵоуп 650 метра ашьаҟамҩатә хаҳәҟьаԥс, иқәыргылоуп ашьаҟа ҿыцқәеи алашарарбагақәеи, асқамқәа, иргылоуп амфитеатрқәа ҩба, аспорттәи ахәыҷтәи шҭаҳәыԥшқәа. Уи адагьы, аҵакыра ариаҵәаразы аусурақәа нагӡоуп. Аҩбатәи ахәҭа аҟны асқьала маҷ аиҭашьақәыргылара азԥхьагәаҭоуп.Бадра Гәынба Самаратәи аобласт анапхгара, аиҿкаара "Урыстәыла афицарцәа", апроект анагӡара иалахәыз зегьы ҭабуп ҳәа реиҳәеит.Ауааԥсыра рзы еиҿыркааит Гәдоуҭеи Самареи рҟынтәи ахәыҷқәа злахәыз аспорттә хәмаррақәа, самаратәи аоркестр ақәгылара, иара убас иаадыртит аиҿкаара "Урыстәыла афицарцәа" иазнархиаз афотоцәыргақәҵа "Ҳара ҳтәқәа каҳажьӡом".Самаратәи аобласт агубернатор актәи ихаҭыԥуаҩ, Аиҳабыра рхантәаҩы Витали Шабалатов Бадра Гәынба ҭабуп ҳәа иеиҳәеит Самаратәи аобласт агубернатор ихьӡала еицырзеиԥшу апроектқәа рынагӡара дахьалахәыз азы, агәрагара ааирԥшит ԥхьаҟатәи аусеицура арӷәӷәара шхымԥадахо азы.Ирҿыцу аԥшаҳәа официалла аартра мҩаԥгахоит цәыббра 7 рзы, Ақалақь-фырхаҵа Гәдоуҭа Амш аҽны.

гәдоуҭа араион

2026

Ажәабжьқәа

ab_AB

ажәабжьқәа, аԥсны, гәдоуҭа араион