Очамчыра аԥшаҳәа аиҿкаараан 2 млн мааҭ рыхә аилагарақәа ыҟан ҳәа аанарԥшит апрокуратура
20:28 13.07.2026 (ирҿыцуп: 23:11 13.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 13 — Sputnik. Очамчыра аԥшаҳәа аиҿкаараан 2 млн мааҭ рыхә аилагарақәа ыҟан ҳәа аанарԥшит араионтә прокуратура.
Азинхьчаратә усбарҭа аусзуҩцәа "акоррупциа аҿагыларазы" азакәан анагӡара ахылаԥшразы араион ахадара "Ақалақьргылара" аусура агәаҭара мҩаԥыргеит.
Аԥсны апрокуратура хада адыррақәа рыла, инагӡоу аусурақәа рзы абҵарамза 22 2024 шықәсазы анапы зҵаҩыз адкыларазы аусшәҟәы аҿы иарбоуи инагӡоу аусурақәеи рымҽхак еиқәшәаӡом.
"Ишьақәыргылоуп, аԥшаҳәа иахьаҵанакуа ашьаҟамҩатә хаҳәҟьаԥс ашьҭаҵаразы инагӡам аусурақәа 1 773 кв.м рҟынӡа инаӡеит 2 421 695 мааҭ рыхә. Иарбоу аилагарақәа Очамчыра араион ахадара амаҵурауаа рганахьала ишахәҭоу ахылаԥшра шамам шьақәдырӷәӷәоит", — аҳәоит адырраҭараҿы.
Араион ахадарахь аилагарақәа раԥыхразы ашәҟәы нашьҭын. Уи аҭакс араионтә прокуратура ахь инашьҭын "Ақалақьргылара" адиректор Руслан Кәыҵниеи уи ихаҭыԥуаҩ Асҭамыр Кәакәасқьыри рмаҵурақәа рҟынтәи рхы ишақәиҭыртәыз азы адыррақәа.
"Очамчыра араион ахадара ахылаԥшратә усбарҭа адҵала, аԥшаҳәаҿы аусурақәа рхыркәшаразы ауснагӡатәқәа мҩаԥысуеит. Иахьатәи аамҭазы аргыларақәа еиҭахацыркуп, аԥшаҳәаҿы ахаҳәҟьаԥс ашьҭаҵара иаҿуп", — аанацҳауеит Апрокуратура хада.
Азинхьчаратә усбарҭа аусзуҩцәа "акоррупциа аҿагыларазы" азакәан анагӡара ахылаԥшразы араион ахадара "Ақалақьргылара" аусура агәаҭара мҩаԥыргеит.
Аԥсны апрокуратура хада адыррақәа рыла, инагӡоу аусурақәа рзы абҵарамза 22 2024 шықәсазы анапы зҵаҩыз адкыларазы аусшәҟәы аҿы иарбоуи инагӡоу аусурақәеи рымҽхак еиқәшәаӡом.
"Ишьақәыргылоуп, аԥшаҳәа иахьаҵанакуа ашьаҟамҩатә хаҳәҟьаԥс ашьҭаҵаразы инагӡам аусурақәа 1 773 кв.м рҟынӡа инаӡеит 2 421 695 мааҭ рыхә. Иарбоу аилагарақәа Очамчыра араион ахадара амаҵурауаа рганахьала ишахәҭоу ахылаԥшра шамам шьақәдырӷәӷәоит", — аҳәоит адырраҭараҿы.
Араион ахадарахь аилагарақәа раԥыхразы ашәҟәы нашьҭын. Уи аҭакс араионтә прокуратура ахь инашьҭын "Ақалақьргылара" адиректор Руслан Кәыҵниеи уи ихаҭыԥуаҩ Асҭамыр Кәакәасқьыри рмаҵурақәа рҟынтәи рхы ишақәиҭыртәыз азы адыррақәа.
"Очамчыра араион ахадара ахылаԥшратә усбарҭа адҵала, аԥшаҳәаҿы аусурақәа рхыркәшаразы ауснагӡатәқәа мҩаԥысуеит. Иахьатәи аамҭазы аргыларақәа еиҭахацыркуп, аԥшаҳәаҿы ахаҳәҟьаԥс ашьҭаҵара иаҿуп", — аанацҳауеит Апрокуратура хада.
