https://sputnik-abkhazia.info/20260728/1064645067.html

Синоптәи апарк аҿы аллеиақәа руак Станислав Лакоба ихьӡ ахырҵарц ажәалагала ҟаҵоуп

Синоптәи апарк аҿы аллеиақәа руак Станислав Лакоба ихьӡ ахырҵарц ажәалагала ҟаҵоуп

Sputnik Аҧсны

Станислав Лакоба — иналукааша аԥсуа ҭоурыхҭҵааҩ, аполитик, машәырла дҭахеит 2025 шықәса цәыббра 20 рзы, 72 шықәса дшырҭагылаз. 28.07.2026, Sputnik Аҧсны

2026-07-28T16:52+0300

2026-07-28T16:52+0300

2026-07-28T17:10+0300

аԥсны

ажәабжьқәа

аԥсны

https://cdnn1.img.sputnik-abkhazia.info/img/07ea/07/1c/1064644081_0:160:3072:1888_1920x0_80_0_0_b9c742a1919681cce54484e2f109e9a5.jpg

АҞӘА, ԥхынгәы 28 — Sputnik. Синоптәи апарк аҿы аллеиақәа руак Станислав Лакоба ихьӡ ахырҵарц ажәалагала ҟаҵоуп.Виачеслав Чрыгба иаԥшьгамҭа иадгылеит аҵарауаҩ икультуратәи ирҿиаратәи ҭынха анаунагӡатәреи, аҭҵаареи, аиқәырхареи рзы аҳәынҭқарратә комиссиа алахәылацәа. Акомиссиа Аҭҵаарадыррақәа ракадемиа анапхгара рахь ажәалагала ҟанаҵоит ари азҵаара иахәаԥшырц ҳәа аанацҳауеит Аминистрцәа реилазаара апресс-маҵзура. Иара убасгьы иазԥхьагәаҭоуп, Аҟәа ахадарахь ажәалагала ҟаҵазарц Кәыдрытәи амҩаду ахәҭак Станислав Лакоба ихьӡ зху аллеиа ҳәа ахьӡ аԥсахра азҵаара Ақалақьтә Еизара ахәаԥшразы иадгалазарц. Уи адагьы, аилатәараҿы иалацәажәеит аҵарауаҩ иҩымҭақәа реизга аҭыжьра азҵаареи 2024 шықәсазы зыԥсҭазаара иалҵыз аҭоурыхҭҵааҩцәа дуқәа Олег Бӷажәбеи Станислав Лакобеи ргәалашәаразы иааиԥмырҟьаӡакәа Аҟәатәи аԥхьарақәа рхацыркра.Станислав Лакоба — иналукааша аԥсуа ҭоурыхҭҵааҩ, аполитик, ААУ апрофессор, АМАН академик, Аԥсуаҭҵааратә институт аҭҵаарадырратә усзуҩ хада, "Ахьӡ-Аԥша" аорден II аҩаӡара занашьаз, 1989 шықәсазтәи Лыхнытәи ааԥхьара автор, арҵагатә цхыраагӡа "Аԥсны аҭоурых" авторцәа дыруаӡәкуп. Аҵарауаҩ машәырла дҭахеит 2025 шықәса цәыббра 20 рзы, 72 шықәса дшырҭагылаз.

https://sputnik-abkhazia.info/20250924/1057760777.html

2026

Ажәабжьқәа

ab_AB

ажәабжьқәа, аԥсны