Акультура-рккаратә ҭыԥ аргылара иалагеит Аибашьратә фырхаҵара амузеи аҟны
12:59 04.08.2026 (ирҿыцуп: 14:54 04.08.2026)
© Sputnik / Томас Тхайцук
Анапаҵаҩра
Амузеи аиҭашьақәыргыларазы аӡбамҭа шрыдыркылаз Бадра Гәынбеи Сергеи Кириенкеи, ҵыԥх амузеи аҿы рыҟазаараан.
АҞӘА, нанҳәа 4 — Sputnik. Акультура-рккаратә ҭыԥ аргылара иалагеит Аҟәа Владислав Арӡынба ихьӡ зху Аибашьратә фырхаҵара амузеи аҟны.
Аинтерактивтә експозициа "Афырхаҵа имҩа" Аџьынџьтәылатә еибашьра Ду инаркны иахьанӡа аԥсуа-аурыс ҭоурых-культуратә ҭынха аҭҵаареи, аиқәырхареи, аларҵәареи иазырхоуп.
Аинтерактивтә експозициа "Афырхаҵа имҩа" Аџьынџьтәылатә еибашьра Ду инаркны иахьанӡа аԥсуа-аурыс ҭоурых-культуратә ҭынха аҭҵаареи, аиқәырхареи, аларҵәареи иазырхоуп.
Аусурақәа рымҩаԥысшьа еиликааит аҳәынҭқарра ахада Иусбарҭа анапхгаҩы Беслан Ешба. Иара иазгәеиҭеит амузеи аиҭашьақәыргыларазы аӡбамҭа шрыдыркылаз Бадра Гәынбеи Сергеи Кириенкеи, ҵыԥх амузеи аҿы рыҟазаараан. Апроект анагӡара иалахәуп Нижни Новгородтәи аспециалистцәа, урҭ уи азы иахәҭоу аусуратә ԥышәа рымоуп.
"Аҵакырақәа дуум, Аибашьратә фырхаҵара амузеи ҳәа иҳамоу акоуп, убри аҟнытә аинтерактивтә хәҭа ухы иархәаны, хыԥхьаӡара рацәала аматериалқәа рҭагалара алшоит. Зегьы ирыцку, ари аус иааиԥмырҟьаӡакәа имҩаԥгахоит", — ҳәа азгәеиҭеит Беслан Ешба.
Апроект адгылара анаҭеит акультуратә аԥшьгарақәа рзы Урыстәыла ахада ифонд. Аџьынџьтәылатә еибашьра Дуи, Аԥсны жәлар Рџьынџьтәылатә еибашьреи, Арратә операциа ҷыдеи ирызку азалқәа назлоу амузеитә ҵакыра аартра азԥхьагәаҭоуп аиааира Амш — цәыббра 30 рзы.
"Ацифратә технологиақәа иалдыршоит ҳаибашьреи, аибашьра аламҭалази, аибашьраани, уи ашьҭахьи имҩаԥысуаз ахҭысқәа зегьы еиҳа аинтерес аҵаны, инарҵауланы аинформациа аҟаҵара. Убри азы ҳара ҳақәгәыӷуеит ацифратә технологиақәа амузеи аҿар рзы еиҳа улаԥш адхалартә иҟарҵап ҳәа", — ҳәа ациҵеит амузеи адиректор лхаҭыԥуаҩ Вадим Аргәын.
"Ацифратә технологиақәа иалдыршоит ҳаибашьреи, аибашьра аламҭалази, аибашьраани, уи ашьҭахьи имҩаԥысуаз ахҭысқәа зегьы еиҳа аинтерес аҵаны, инарҵауланы аинформациа аҟаҵара. Убри азы ҳара ҳақәгәыӷуеит ацифратә технологиақәа амузеи аҿар рзы еиҳа улаԥш адхалартә иҟарҵап ҳәа", — ҳәа ациҵеит амузеи адиректор лхаҭыԥуаҩ Вадим Аргәын.
