"Аԥсны акоманда" аус ауеижьҭеи шықәск аҵра азгәарҭеит
18:09 13.08.2026 (ирҿыцуп: 18:35 13.08.2026)
© Sputnik / Томас Тхайцук
Анапаҵаҩра
АҞӘА, нанҳәа 13 — Sputnik. "Аԥсны акоманда" аус ауеижьҭеи шықәск аҵра азгәарҭеит.
Аиҿкаара аԥҵан 2025 шықәса нанҳәамзазы аҳәынҭқарра ахада Бадра Гәынба идҵала. Хықәкыс иаиуит ауаҩытәыҩсатә капитал аҿиара, актуалра злоу ауснагӡатәқәа рыӡбара иазырхоу аԥшьгарақәа рынагӡараҿы ацхыраара аҟаҵара.
Аиҿкаара аԥҵан 2025 шықәса нанҳәамзазы аҳәынҭқарра ахада Бадра Гәынба идҵала. Хықәкыс иаиуит ауаҩытәыҩсатә капитал аҿиара, актуалра злоу ауснагӡатәқәа рыӡбара иазырхоу аԥшьгарақәа рынагӡараҿы ацхыраара аҟаҵара.
"Ауаҩытәыҩсатә капитал аҿиареи апрофессионалтә кадртә резерв ашьақәыргылареи ҳтәыла аԥеиԥш азы ихадоу ауснагӡатәқәа ируакуп. Агәра ганы сыҟоуп, раԥхьатәи ашықәс азы ишәырҳаз аԥышәа, аусура ахырхарҭақәа рырҭбаара, аԥшьгара ҿыцқәа адгылара рыҭара, апроектқәа рынагӡара, зџьабаала ареспублика аҿиараҿы злагала аҟаҵара иазхиоу рзы алшарақәа раԥҵара шалнаршо", — ҳәа азгәеиҭеит Бадра Гәынба.
Ари ашықәс аҩнуҵаҟа апроектқәа рацәаны инагӡан. Урҭ рхыԥхьаӡараҿы иҟоуп аицлабра "Аԥсны акоманда", уи аҩбатәи асезон сынтәа ихацыркхеит. Аицлабра алахәхаразы 3384 зыҳәа нарышьҭит.
Зымҽхак ҭбаау проектқәаны иҟалеит атурсфера аҿиара иазырхоу аицлабра "Зысасгәашә аарту Аԥсны", аспорт-хҭыстә проект "Аԥсуа ҳәаа", "Аполиклиникақәа рҿы ахәыҷтәы уадақәа", "Акультура алашара" уҳәа убас иҵагьы.
Иахьа "Аԥсны акоманда" апроектқәа рырҿиара, алахәылацәа раԥшьгарақәа адгылара рыҭара, апрофессионалцәа реилазаара ашьақәыргылара иацнаҵоит.
Зымҽхак ҭбаау проектқәаны иҟалеит атурсфера аҿиара иазырхоу аицлабра "Зысасгәашә аарту Аԥсны", аспорт-хҭыстә проект "Аԥсуа ҳәаа", "Аполиклиникақәа рҿы ахәыҷтәы уадақәа", "Акультура алашара" уҳәа убас иҵагьы.
Иахьа "Аԥсны акоманда" апроектқәа рырҿиара, алахәылацәа раԥшьгарақәа адгылара рыҭара, апрофессионалцәа реилазаара ашьақәыргылара иацнаҵоит.
