Самсон Ҷанба ихьӡ зху Аԥсуа ҳәынҭқарратә драматә театр 95-тәи атеатртә сезон хнаркәшеит
21:22 19.08.2026 (ирҿыцуп: 21:54 19.08.2026)
© Sputnik / Бадрак Авидзба
Анапаҵаҩра
АҞӘА, нанҳәа 19 — Sputnik. Самсон Ҷанба ихьӡ зху Аԥсуа ҳәынҭқарратә драматә театр 95-тәи атеатртә сезон хнаркәшеит.
Аусмҩаԥгатә иаҭааит атәыла хада Бадра Гәынба, акультура аминистр Даур Ақаҩба, аԥыза-министр ихаҭыԥуаҩ Џьансыхә Нанба, акультура аусзуҩцәа, ауаажәларра.
Гәынба аԥсуа театр аколлектив аиубилеитә сезон қәҿиарала ахыркәшара рыдиныҳәалеит.
"Аԥсуа ҳәынҭқарратә драматә театр ҳаԥсуа милаҭтә культура аиқәырхара, аӡыргара иазку акультуратә хәышҭаара хадақәа ируакуп. Абар, уажәшьҭа шәышықәса инарзынаԥшуа Аԥсуа театр аҟазарала хьӡи-ԥшеи аманы иааиуеит. Ари Аԥсны иҟоу атеатрқәа рҟынтәи, иахьа аус зуа ижәытәӡатәиу театруп. Еиуеиԥшым аамҭақәа рзы асценаҿы баҩхатәрала, рҟазарала ахәаԥшцәа хырхуан актиорцәа дуқәа", — ҳәа загәаҭоуп адныҳәалараҿы.
Атеатр адиректор хада, Аԥсни Аахыҵ Уаԥстәылеи зҽаԥсазтәыз артист Хьыбла Мықәԥҳа иазгәалҭеит, атеатртә сезон азы ахәаԥшцәа ишрыдыргалаз ақәыргыламҭа ҿыцқәа жәба. Асезон иалагӡаны Аԥсуа театр аҿы аспектакльқәа дырбан 126-нтә. Иара убас, аколлектив рықәыргыламҭақәа ӡырыргеит аҳәаанырцәтәи агастрольқәа раан.
95-тәи атеатртә сезон ахыркәшамҭаз атеатр иреиӷьу актиорцәеи, арежиссиори, аусзуҩцәеи алкаан.
▪Антон Чехов иҩымҭала иқәыргылаз аспектакль "Аҷныш" аҿы иусуразы иреиӷьу абжьы арежиссиор — Алан Чамлар;
▪Фридрих Шиллер ипиесала иқәыргылоу аспектакль "Мариа Стиуарт" аҿы лусуразы иреиӷьу акостиумқәа рсахьаҭыхҩы — Диана Допуаԥҳа;
▪Михаил Рошьин иҩымҭала иқәыргылаз аспектакль "Ешелон" аҿы иусуразы адекорациақәа рзы иреиӷьу асахьаҭыхҩы — Гарри Дочиа;
▪Иреиӷьу актиортә ансамбль — Евгени Шварц ипиеса иалхны иқәыргылаз аспектакль "Аҳәынҭқар ҟьантаз" актиорцәа;
▪Иреиӷьу аспектакль — Евгени Шварц ипиеса иалхны иқәыргылаз аспектакль "Аҳәынҭқар ҟьантаз";
▪Иреиӷьу арежиссиор — "Акрал Лир" Шекспир итрагедиа ықәиргылеит Адгәыр Ақаҩба;
▪Аҩбатәи аплан аҿы иреиӷьу ахаҵа ироль — "Мариа Стиуарт" аҟны Кеннеди Лорд ироль назыгӡаз — Саид Кәакәасқьыр;
▪Аҩбатәи аплан аҿы иреиӷьу аԥҳәыс лроль — "Акрал Лир" аҟны Регина лроль азы — Ашьна Ҳагԥҳа.
▪Иреиӷьу ахаҵа ироль — аспектакль "Аҳәынҭқар ҟьантаз" аҟны Аҳәынҭқар ироль назыгӡаз — Алхас Шамба;
▪Иреиӷьу аԥҳәыс лроль — "Акрал Лир" аҟны Карделиа лроль назыгӡаз — Лана Џьапуаԥҳа.
Еизаз иддырбан ақәыргыламҭақәа — "Аҳәынҭкар ҟьантаз", "Аҷныш", "Аешелон", "Акрал Лир", "Мариа Стиуарт", "Аџьаз иалоу ҭыԥҳацәоуп" аспектакльқәа рцыԥҵәахақәа.
Аусмҩаԥгатә иаҭааит атәыла хада Бадра Гәынба, акультура аминистр Даур Ақаҩба, аԥыза-министр ихаҭыԥуаҩ Џьансыхә Нанба, акультура аусзуҩцәа, ауаажәларра.
Гәынба аԥсуа театр аколлектив аиубилеитә сезон қәҿиарала ахыркәшара рыдиныҳәалеит.
"Аԥсуа ҳәынҭқарратә драматә театр ҳаԥсуа милаҭтә культура аиқәырхара, аӡыргара иазку акультуратә хәышҭаара хадақәа ируакуп. Абар, уажәшьҭа шәышықәса инарзынаԥшуа Аԥсуа театр аҟазарала хьӡи-ԥшеи аманы иааиуеит. Ари Аԥсны иҟоу атеатрқәа рҟынтәи, иахьа аус зуа ижәытәӡатәиу театруп. Еиуеиԥшым аамҭақәа рзы асценаҿы баҩхатәрала, рҟазарала ахәаԥшцәа хырхуан актиорцәа дуқәа", — ҳәа загәаҭоуп адныҳәалараҿы.
Атеатр адиректор хада, Аԥсни Аахыҵ Уаԥстәылеи зҽаԥсазтәыз артист Хьыбла Мықәԥҳа иазгәалҭеит, атеатртә сезон азы ахәаԥшцәа ишрыдыргалаз ақәыргыламҭа ҿыцқәа жәба. Асезон иалагӡаны Аԥсуа театр аҿы аспектакльқәа дырбан 126-нтә. Иара убас, аколлектив рықәыргыламҭақәа ӡырыргеит аҳәаанырцәтәи агастрольқәа раан.
95-тәи атеатртә сезон ахыркәшамҭаз атеатр иреиӷьу актиорцәеи, арежиссиори, аусзуҩцәеи алкаан.
▪Антон Чехов иҩымҭала иқәыргылаз аспектакль "Аҷныш" аҿы иусуразы иреиӷьу абжьы арежиссиор — Алан Чамлар;
▪Фридрих Шиллер ипиесала иқәыргылоу аспектакль "Мариа Стиуарт" аҿы лусуразы иреиӷьу акостиумқәа рсахьаҭыхҩы — Диана Допуаԥҳа;
▪Михаил Рошьин иҩымҭала иқәыргылаз аспектакль "Ешелон" аҿы иусуразы адекорациақәа рзы иреиӷьу асахьаҭыхҩы — Гарри Дочиа;
▪Иреиӷьу актиортә ансамбль — Евгени Шварц ипиеса иалхны иқәыргылаз аспектакль "Аҳәынҭқар ҟьантаз" актиорцәа;
▪Иреиӷьу аспектакль — Евгени Шварц ипиеса иалхны иқәыргылаз аспектакль "Аҳәынҭқар ҟьантаз";
▪Иреиӷьу арежиссиор — "Акрал Лир" Шекспир итрагедиа ықәиргылеит Адгәыр Ақаҩба;
▪Аҩбатәи аплан аҿы иреиӷьу ахаҵа ироль — "Мариа Стиуарт" аҟны Кеннеди Лорд ироль назыгӡаз — Саид Кәакәасқьыр;
▪Аҩбатәи аплан аҿы иреиӷьу аԥҳәыс лроль — "Акрал Лир" аҟны Регина лроль азы — Ашьна Ҳагԥҳа.
▪Иреиӷьу ахаҵа ироль — аспектакль "Аҳәынҭқар ҟьантаз" аҟны Аҳәынҭқар ироль назыгӡаз — Алхас Шамба;
▪Иреиӷьу аԥҳәыс лроль — "Акрал Лир" аҟны Карделиа лроль назыгӡаз — Лана Џьапуаԥҳа.
Еизаз иддырбан ақәыргыламҭақәа — "Аҳәынҭкар ҟьантаз", "Аҷныш", "Аешелон", "Акрал Лир", "Мариа Стиуарт", "Аџьаз иалоу ҭыԥҳацәоуп" аспектакльқәа рцыԥҵәахақәа.
