Бадра Гәынба Аԥсуа бызшәа аиқәырхара ихадоу зҵаатәуп ҳәа ахиҳәааит
17:08 21.08.2026 (ирҿыцуп: 17:54 21.08.2026)
© Sputnik / Асмат Цвижба
Анапаҵаҩра
Тҟәарчал араион актив реилатәара мҩаԥысит иахьа. Уаҟа 2026 шықәса актәи азбжазтәи аихшьаалақәа ҟарҵоит.
АҞӘА, нанҳәа 21 — Sputnik. Аԥсуа бызшәа аиқәырхара азҵаара иахьа еибашьрак иаҳзаҩызоуп — ҳара иааҳарԥшыроуп ҳбызшәа бзиа шаҳбо, аԥыжәара шаҳҭо, ҿырԥштәыс ҳҟалароуп ҳбызшәа аныҟәгараҿы, насоуп абиԥарақәа ихьчаны иааргоз ҳбызшәа, егьырҭ амилаҭқәагьы анахаҵгылоу, ҳаҭыр ақәырҵо ианалаго иҳәеит Аҧсны ахада Бадра Гәынба Тҟәарчал араион актив рԥылараҿы.
Иара Аԥсны Жәлар Реизарахь иқәгылоу акандидатцәа, хымԥада, аҳәынҭқарратә бызшәа рдыруазарц азы ирыдыркылаз азакәан, насгьы уи аԥсахрақәа ралагаларазы иажәалагалазы ахҳәаа ҟаиҵеит.
Иара Аԥсны Жәлар Реизарахь иқәгылоу акандидатцәа, хымԥада, аҳәынҭқарратә бызшәа рдыруазарц азы ирыдыркылаз азакәан, насгьы уи аԥсахрақәа ралагаларазы иажәалагалазы ахҳәаа ҟаиҵеит.
"Сара агәраганы сыҟоуп, 1992-1993 шықәсқәа рзы аԥсуаа абџьар шьҭыхны ҳаԥсадгьыл ахьчара ҳангыла, егьырҭ амилаҭқәа шаҳҿыԥшыз еиԥш, ари аусаҿгьы ишаҳҿыԥшуа, ҳхаҭа ҳбызшәа ахархәара анаҳҭа", — иҳәеит атәыла ахада.
Аԥсны ахада Бадра Гәынба Адепутатрахь акандидатцәа рзы аҳәынҭқарратә бызшәа адырраз адҵа шьаҿа-шьаҿала алагаларазы, Апарламент ахь адепутатразы акандидатцәа рзы иназыцҵоу аҭахрақәа, Жәлар Реизара адепутатцәа рҭоубашьҭаҵаразы азакәанԥҵаратә иаԥшьгамҭақәа Жәлар Реизарахь инаишьҭит ԥҳынгәымза 10 рзы.
Аԥсны Апарламент аҩбатәии аҵыхәтәантәии аԥхьарала Жәлар Реизара адепутатцәа ралхразы Аконституциатә закәан ахәҭаҷ 5 аԥсахрақәа аланагалеит.
Аԥсны Апарламент аҩбатәии аҵыхәтәантәии аԥхьарала Жәлар Реизара адепутатцәа ралхразы Аконституциатә закәан ахәҭаҷ 5 аԥсахрақәа аланагалеит.
