https://sputnik-abkhazia.info/20260911/1065555294.html
Аԥсныҟа иаауа аԥсшьаҩцәа рхыԥхьаӡара 5 млн рҟынӡа аизырҳара азгәаҭоуп иҳәеит Назаров
Аԥсныҟа иаауа аԥсшьаҩцәа рхыԥхьаӡара 5 млн рҟынӡа аизырҳара азгәаҭоуп иҳәеит Назаров
Sputnik Аҧсны
АҞӘА, цәыббра 11 — Sputnik. Аԥсныҟа иаауа аԥсшьаҩцәа рхыԥхьаӡара 5 млн рҟынӡа аизырҳара азгәаҭоуп 2030 шықәсазы, абри атәы иҳәеит Урыстәыла аекономҿиара... 11.09.2026, Sputnik Аҧсны
2026-09-11T15:14+0300
2026-09-11T15:14+0300
2026-09-11T17:17+0300
аԥсны
аԥсны
ажәабжьқәа
аԥсшьара
ауаажәларра
аекономика
https://cdnn1.img.sputnik-abkhazia.info/img/102147/17/1021471719_0:67:1281:787_1920x0_80_0_0_894783d409666ee9e040c956d211308e.jpg
АҞӘА, цәыббра 11 — Sputnik. Аԥсныҟа иаауа аԥсшьаҩцәа рхыԥхьаӡара 5 млн рҟынӡа аизырҳара азгәаҭоуп 2030 шықәсазы, абри атәы иҳәеит Урыстәыла аекономҿиара аминистр ихаҭыԥуаҩ Сергеи Назаров, Аԥсны ахада Бадра Гәынбеи иареи реиԥылараан. Уи азы асасааирҭақәеи аглемпингқәеи дыргылалоит, альготатә кредит аҭара апрограммагьы уахь иналаҵаны, иара убас асертификациа асистема еиӷьыртәлоит. Хазҷыдала ахшыҩзышьҭра аҭоуп аҳаирбаӷәазеи аушьҭырҭатә ҭыԥи реиҭашьақәыргылара, амҩақәа рырҽеира уҳәа аинфраструктуратә проектқәа. Абарҭқәа зегьы атуристцәа рхыԥхьаӡара анырра анаҭоит ҳәа азгәеиҭеит Назаров. Назаров иажәақәа рыла, Урыстәыла Аԥсны абизнес маҷи абжьаратә бизнеси адгылара ҭбаа анаҭалоит. Азакәанԥҵара аишьашәаларазы аусура иацҵахоит.Уи адагьы, аиҵбыратәи аклассқәа рҵаҩцәа рзы афатә ԥха хара имгакәа иалагалахоит Аԥсны ашколқәа 13 рҿы, абри атәы иҳәеит Урыстәыла аекономҿиара аминистр ихаҭыԥуаҩ Сергеи Назаров.Иара иажәақәа рыла, уажәы ареспублика аҵараиурҭақәа 150 рҟынтәи 57 роуп ахәыҷқәа рзы акрыфара аиҿкааразы алшара змоу. Даҽа 13 аамҭа кьаҿк иалагӡаны еиқәуршәар ҟало иҟоуп. Егьырҭ рзы инықәырԥшны шықәсык-ҩышықәса рҟынӡа аамҭа аҭаххоит. "Ахәыҷқәа ркатегориак рзы азынҷақәа рыла реиқәыршәара авариант иазхәыцтәуп. Мамзар џьоукы ирыҭо аҽа џьоукы ирымҭа аҟаҵара — рацәак ииашам", — ҳәа азгәеиҭеит Назаров. Уаанӡа Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко иҳәеит Аԥсны аиҵбыратәи аклассқәа рҵаҩцәа рзы ашколтә крыфарҭақәа рҿы ахәы ԥханы аҟаҵараз Урыстәыла ахада ирезервтә фонд аԥара шазоунажьуа. Владимир Путин иӡбарала арҭ ахықәкқәа ирзоужьхоит 245 млн мааҭ.
Sputnik Аҧсны
media@sputniknews.com
+74956456601
MIA „Rossiya Segodnya“
2026
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, аԥсшьара, ауаажәларра, аекономика
аԥсны, ажәабжьқәа, аԥсшьара, ауаажәларра, аекономика
Аԥсныҟа иаауа аԥсшьаҩцәа рхыԥхьаӡара 5 млн рҟынӡа аизырҳара азгәаҭоуп иҳәеит Назаров
15:14 11.09.2026 (ирҿыцуп: 17:17 11.09.2026) АҞӘА, цәыббра 11 — Sputnik. Аԥсныҟа иаауа аԥсшьаҩцәа рхыԥхьаӡара 5 млн рҟынӡа аизырҳара азгәаҭоуп 2030 шықәсазы, абри атәы
иҳәеит Урыстәыла аекономҿиара аминистр ихаҭыԥуаҩ Сергеи Назаров, Аԥсны ахада Бадра Гәынбеи иареи реиԥылараан.
Уи азы асасааирҭақәеи аглемпингқәеи дыргылалоит, альготатә кредит аҭара апрограммагьы уахь иналаҵаны, иара убас асертификациа асистема еиӷьыртәлоит.
Хазҷыдала ахшыҩзышьҭра аҭоуп аҳаирбаӷәазеи аушьҭырҭатә ҭыԥи реиҭашьақәыргылара, амҩақәа рырҽеира уҳәа аинфраструктуратә проектқәа. Абарҭқәа зегьы атуристцәа рхыԥхьаӡара анырра анаҭоит ҳәа азгәеиҭеит Назаров.
Назаров иажәақәа рыла, Урыстәыла Аԥсны абизнес маҷи абжьаратә бизнеси адгылара ҭбаа анаҭалоит. Азакәанԥҵара аишьашәаларазы аусура иацҵахоит.
Уи адагьы, аиҵбыратәи аклассқәа рҵаҩцәа рзы афатә ԥха хара имгакәа иалагалахоит Аԥсны ашколқәа 13 рҿы, абри атәы иҳәеит Урыстәыла аекономҿиара аминистр ихаҭыԥуаҩ Сергеи Назаров.
Иара иажәақәа рыла, уажәы ареспублика аҵараиурҭақәа 150 рҟынтәи 57 роуп ахәыҷқәа рзы акрыфара аиҿкааразы алшара змоу. Даҽа 13 аамҭа кьаҿк иалагӡаны еиқәуршәар ҟало иҟоуп. Егьырҭ рзы инықәырԥшны шықәсык-ҩышықәса рҟынӡа аамҭа аҭаххоит. "Ахәыҷқәа ркатегориак рзы азынҷақәа рыла реиқәыршәара авариант иазхәыцтәуп. Мамзар џьоукы ирыҭо аҽа џьоукы ирымҭа аҟаҵара — рацәак ииашам", — ҳәа азгәеиҭеит Назаров.
Уаанӡа Урыстәыла ахада Иусбарҭа анапхгаҩы актәи ихаҭыԥуаҩ Сергеи Кириенко
иҳәеит Аԥсны аиҵбыратәи аклассқәа рҵаҩцәа рзы ашколтә крыфарҭақәа рҿы ахәы ԥханы аҟаҵараз Урыстәыла ахада ирезервтә фонд аԥара шазоунажьуа. Владимир Путин иӡбарала арҭ ахықәкқәа ирзоужьхоит 245 млн мааҭ.
