Аԥсны Аcоцеиқәыршәара аминистрра аделегациеи урыстәылатәи рколлегацәеи дареи Москва реиԥылараан ареспублика асоциалтә усхк ацифраркра апроект анагӡаразы аиқәшаҳаҭра рыбжьарҵеит.
Аԥсны Аcоцеиқәыршәара аминистрра аделегациеи урыстәылатәи рколлегацәеи дареи Москва реиԥылараан ареспублика асоциалтә усхк ацифраркра апроект анагӡаразы аиқәшаҳаҭра рыбжьарҵеит.
Аԥснытәи аҟазауаа асоциалтә усхк ацифраркра аԥышәа ҭырҵаауеит Урыстәыла Липецктәи аобласт аҿырԥштәы ала.
Анаҩс Урыстәыла аџьа аминистрра аусутә гәыԥ Аԥсны иаҭаауеит аусхк уажәтәи аҭагылазаашьа ахәшьара аҭареи алшарақәа ралкаареи рзы.
Абри атәы еиҭалҳәеит асоциалтә еиқәыршәара аминистр Кама Аӡынԥҳа, аԥыза-министр Владимир Делбеи лареи русуратә еиԥылараҿы.
"Атәанчахәытә еиқәыршәара, ареспублика атәылауаа реиҷаҳара, асоциалтә политика — иааизакны ҳтәылазы акыр зҵазкуа зҵаарақәоуп. Асоциалтә еиқәыршәара асистемаҿы ацифраркра еиҵахарада ԥхьаҟа игатәуп, убри аан ҳзакәанԥҵара аҭахрақәа ӷәӷәала ирықәныҟәаны", — иҳәеит Владимир Делба.
