ҭагалантәи ашәахәа хаа ақәыҷҷа
ГАГРА
ҭагалантәи ашәахәа хаа ақәыҷҷа
Ацәқәырԥақәа укалҭ иахьысуа,Иҿыпуеит иччо.
Ихьшәашәаӡа аӡыхьқәа иугәылсуа
Илеиуеит илбааҽҽо,
Ухан дуқәагьы ӷьазӷьазуеит
Ушьха ашьапаҿы.
Аԥсшьаҩцәа неилыс-ааилысуеит
Лбаа аԥшаҳәаҿы.
Убаҳча ссирқәа еихык-еиҵыкны,
Избоит иахьа ара.
Гагра, иуҭааз зегьы еизгәыкны
Иаҿуп аԥсшьара.
Ишԥассиру уҳауа еинҭәыла,
Ишԥахаау уԥша!
Зыԥсы зшьауа ҿыц мчыла,
Иацырҵап рылша!
Идуӡӡоуп урҭ руеишьара,
Ирықәԥхауеит мракы.
Уи ҳ-Аԥсадгьыл мра лашара
Ауп ирызгәкы.
Шамил Ԥлиа, 1950
Гагра — ажәытәӡатәи ԥсыуа ҭыԥхьӡуп, "га-кы́ра" аҟынтә иаауеит, ашьхақәа роуп ага зкугьы, ршьапқәа амшын инӡаалоит. Аратәи ашьхақәа кьырҳақәоуп, аҳаԥ ҵаулаӡақәа рымоуп.
Гагра зџьынџьу асаӡқәа ражәаҳәаҿы иуԥылоит аинтерес зҵоу афразеологизм "Гагра амҩа зкызаалакгьы", ус иҳәоит ахаҵа "сымч ҭоуп, сыззымиааиуа дыҟам" ҳәа аанарго. Анкьа абрагьцәа-амҩакцәа аҭшәарақәа рҿы рҽыҵәахны итәалон, убри иахылҿиааит ҳәа ҳгәы иаанагоит.
Аурыс ҳәынҭқар ихаан, Гагра курорт қалақьны иҟалаанӡа, "Сибра ҟәанда" ҳәа иашьҭан, рахьырхәразы иахыргоз ԥыҭҩык арахь иаарышьҭуан аҟынтә. Ҵабыргны, Аԥсны иахьаҵанакуа алшықәсанык зегь раасҭа аҳауа ахьҟәандоу ҭыԥуп иара. Абри атәы иҳәоит аеколог Роман Дбар, Гагра иазку Абаза-ТВ афильм аҟны>>
