Аԥсны Аҵара аминистрра аделегациа аурыс бызшәа II Жәларбжьаратәи афорум "Учу великому" иалахәхоит.
Аԥсны Аҵара аминистрра аделегациа аурыс бызшәа II Жәларбжьаратәи афорум "Учу великому" иалахәхоит.
Афорум мҩаԥысуеит Москва абҵара 9-11 рзы ҳәа аанацҳауеит аусбарҭа апресс-маҵзура. Иара еиднакылоит аурыс бызшәа арҵаҩцәа, еиуеиԥшым атәылақәа рҟынтәи аҵаратә еиҿкаарақәа рхаҭарнакцәа рԥышәа аимдареи абызшәа арҵара азҵаарақәа рылацәажәареи рзы.
Аԥсны ахьӡала афорум иалахәхоит Гагра, Гәдоуҭа, Очамчыра, Аҟәа рҟынтәи аурыс бызшәеи алитературеи рырҵаҩцәа — зынӡа 10-ҩык.
Афорум аҿы иазгәаҭоуп — ҳаамҭазтәи азнеишьақәеи, ақәҿиара змоу арҵаҩратәи аметодикатәи практикақәеи, жәларбжьаратәи азанааҭтә усеицура аҿиареи рылацәажәара.
Аусмҩаԥгатә еиҿнакааит агуманитартә ҭҵаарадыррақәа рыдгыларазы афонд "Сара сҭоурых", ацхыраара ҟанаҵеит — Урыстәыла Аҵара аминистрра.
