Михаил Булгаков испектакль "Ала агәы" РУСДРАМ 46-тәи атеатртә сезон хацнаркит
21:27 12.11.2026 (ирҿыцуп: 22:29 12.11.2026)
© Sputnik / Томас Тхайцук
Анапаҵаҩра
АҞӘА, абҵара 12 — Sputnik Михаил Булгаков испектакль "Ала агәы" РУСДРАМ 46-тәи атеатртә сезон хацнаркит.
Аԥхьарбара аншлаг ацны имҩаԥысит. Уи ахәаԥшра иааит Аԥсны ахада Иусбарҭа ахаҭарнакцәа, аиҳабыра алахәылацәа, ауаажәларратәи аполитикатәи усзуҩцәа, аҟазара ҳаракы ахәшьаҩцәа.
Атеатр адиректор хада Иракли Хынҭәба ишиҳәаз ала, аспектакль аус адулара ҩымз ицон, уи иалахәуп ароль хадақәа назыгӡо артистцәа реилазаарақәа ҩба.
Аԥхьарбара аншлаг ацны имҩаԥысит. Уи ахәаԥшра иааит Аԥсны ахада Иусбарҭа ахаҭарнакцәа, аиҳабыра алахәылацәа, ауаажәларратәи аполитикатәи усзуҩцәа, аҟазара ҳаракы ахәшьаҩцәа.
Атеатр адиректор хада Иракли Хынҭәба ишиҳәаз ала, аспектакль аус адулара ҩымз ицон, уи иалахәуп ароль хадақәа назыгӡо артистцәа реилазаарақәа ҩба.
"Уигьы, ҳәарада, аусура аруадаҩуан, избанзар актиорцәа рацәаҩны рҽазыҟаҵара аҭахын, аха арежиссиор Владимир Золотарь — реиҳа еицырдыруа урыстәылатәи арежиссиорцәа дыруаӡәкуп. Иара ииашаҵәҟьаны дҟаза дууп. Урыстәыла иреиӷьу атеатрқәа жәпакы рҿгьы ари аспектакльқәа ддырбоит", — ҳәа азгәеиҭеит Хьынҭәба.
Иара убасгьы иациҵеит "Ала агәы" атеатр аҭоурых аҿы раԥхьаӡа акәны Аԥсны ишықәдыргыло. Уи алыршахеит Урыстәыла акультура аминистрреи автономтә икоммерциатәым аиҿкаара "Аурыс сезонқәеи" ирыбзоураны.
Ақәыргыламҭа апремиертә версиа ароль хадақәа нарыгӡеит Џьамбул Жорданиа — аҳақьым Филипп Преображенски, Емиль Петров — Иван Борменталь, Руслан Иванов — Полиграф Шариков.
Асезон ҿыц азы ахәаԥшцәа иара убасгьы ирбоит Дмитри Акимов иқәиргылаз адрама "Дориан Греи ипатреҭ" — аԥхьарбара мҩаԥгахоит ԥхынҷкәын 18, 19 рзы.
Нарҭаа репос иазку аескизқәа хԥа аус ахьрыдыруло арежиссиортә лабораториа "Сандро" аескизқәа дырбара мҩаԥгахоит абҵара 20 рзы.
Ашықәс ҿыц азы Џьамбул Жорданиа "Шварц ицәыӡыз аамҭа иазку алакә" азирхиоит.
Асезон ҿыц азы иара убас арежиссиор Гьаргь Сурков ицәыригоит аспектакль "Бог резни".
Ақәыргыламҭа апремиертә версиа ароль хадақәа нарыгӡеит Џьамбул Жорданиа — аҳақьым Филипп Преображенски, Емиль Петров — Иван Борменталь, Руслан Иванов — Полиграф Шариков.
Асезон ҿыц азы ахәаԥшцәа иара убасгьы ирбоит Дмитри Акимов иқәиргылаз адрама "Дориан Греи ипатреҭ" — аԥхьарбара мҩаԥгахоит ԥхынҷкәын 18, 19 рзы.
Нарҭаа репос иазку аескизқәа хԥа аус ахьрыдыруло арежиссиортә лабораториа "Сандро" аескизқәа дырбара мҩаԥгахоит абҵара 20 рзы.
Ашықәс ҿыц азы Џьамбул Жорданиа "Шварц ицәыӡыз аамҭа иазку алакә" азирхиоит.
Асезон ҿыц азы иара убас арежиссиор Гьаргь Сурков ицәыригоит аспектакль "Бог резни".
