Аҟәа ақалақь апрокуратура Нодик Кәыҵниа иганахьала ашьаус хацнаркит
11:15 16.11.2026 (ирҿыцуп: 11:39 16.11.2026)

© Sputnik
Анапаҵаҩра
Абҵара 15 рзы Аҟәа иҟалаз ахысра иахҟьаны, Ареспубликатә хәышәтәырҭахь ахәрақәа иманы днаган Ефрем Кәарҷиа.
АҞӘА, абҵара 16— Sputnik. Аҟәа ақалақь апрокуратура Нодик Кәыҵниа иганахьала ашьаус хацнаркит ауаҩшьразы аҽазышәара инамаданы.
Иацы, абҵара 15 рзы Аҟәа иҟалаз ахысра иахҟьаны, Ареспубликатә хәышәтәырҭахь ахәрақәа иманы днаган Ефрем Кәарҷиа. Ацәгьоура ҟазҵаз ҳәа агәҩара зду Кәыҵниа даанкыланы аҳәынҭқарратә шәарҭадара амаҵзура ашьаусеилыргараз аамҭалатәи аанкыларҭахьы днаган.
Аҟәатәи ақалақьтә ӡбарҭахь азыҳәа дәықәҵахоит Кәыҵниа иганахьала аҭакра аҳасабала аԥырҟәҟәааратә уснагӡатә алхразы.
Нодик Кәыҵниа — 2016 шықәса рзы урыстәылатәи абизнесуаҩ Сергеи Клемантовичи уи иҩыза Оксана Скаредновеи рышьра аиҿкааразы зус ӡбоу Аԥсны Апарламент ԥыхьатәи депутатуп.
Кәыҵниа 16 шықәса зрежим ӷәӷәоу аколониа аҭакра иқәҵан, аха амнистиа изун 2020 шықәсазы. Ари амнистиала иаанхаз иҿҳәара абжа ркьаҿын, Кәыҵниа ихы дақәиҭтәын 2025 шықәсазы.
Иацы, абҵара 15 рзы Аҟәа иҟалаз ахысра иахҟьаны, Ареспубликатә хәышәтәырҭахь ахәрақәа иманы днаган Ефрем Кәарҷиа. Ацәгьоура ҟазҵаз ҳәа агәҩара зду Кәыҵниа даанкыланы аҳәынҭқарратә шәарҭадара амаҵзура ашьаусеилыргараз аамҭалатәи аанкыларҭахьы днаган.
Аҟәатәи ақалақьтә ӡбарҭахь азыҳәа дәықәҵахоит Кәыҵниа иганахьала аҭакра аҳасабала аԥырҟәҟәааратә уснагӡатә алхразы.
Нодик Кәыҵниа — 2016 шықәса рзы урыстәылатәи абизнесуаҩ Сергеи Клемантовичи уи иҩыза Оксана Скаредновеи рышьра аиҿкааразы зус ӡбоу Аԥсны Апарламент ԥыхьатәи депутатуп.
Кәыҵниа 16 шықәса зрежим ӷәӷәоу аколониа аҭакра иқәҵан, аха амнистиа изун 2020 шықәсазы. Ари амнистиала иаанхаз иҿҳәара абжа ркьаҿын, Кәыҵниа ихы дақәиҭтәын 2025 шықәсазы.

