Урыстәылеи Аԥсни антикатә ҭынха аҭыԥқәа рахь атуристтә маршрут еицаԥырҵоит
11:44 19.11.2026 (ирҿыцуп: 12:45 19.11.2026)

© telegram sputnik_apsny_info
Анапаҵаҩра
АҞӘА, абҵара 19 — Sputnik. Урыстәылеи Аԥсни антикатә ҭынха аҭыԥқәа рахь атуристтә маршрут еицаԥырҵоит.
Аӡбамҭа рыдыркылеит абҵара 18 рзы Москва имҩаԥысуаз Адунеи Ажәларқәа Рассамблеиа атуризм азы Ахеилак аилатәараҿы.
Аусмҩаԥгатә иалахәын Урыстәыла Аҳәынҭқарратә Думеи, Аԥсны Аиҳабыреи Апарламенти, Ҟрым аминистрцәа Рхеилаки, Краснодартәи атәылаҿацә ахадареи рхаҭарнакцәа. Апроект ҿыц Алада Урыстәыла аҭоурыхтәи акультуратәи обиектқәа еидызкыло, 10 млн инареиҳаны атуристцәа здызыԥхьалаз амаршрут "Боспортәи аҳра ахьтәы мацәаз" иацнаҵоит.
Аԥсны атуризм аминистр Асҭамыр Логәуа ажәалагала ҟаиҵеит амаршрут иалагалазарц Пицунда, Аҟәа, Очамчыра рантика-византиатә баҟақәа, Ешыратәи ақалақь маҷ – ажәытә Питиус, Диоскуриада, Гиуенос.
Ҟрым аԥыза-министр ихаҭыԥуаҩ Георги Мурадов ирыдигалеит Аԥсни Урыстәылеи заатәи Абжьарашәышықәсазтәи византиатәи ауахәамақәа маршрутла реидкылара, иара убас аӡы зҵалаз антикатә қалақьқәа, Диоскуриагьы уахь иналаҵаны, рахь аӡаҵаҟатәи аекскурсиақәа реиҿкаара.
Апроект атуристтә еимадарақәа рыҿиареи Аԥсны ахада Бадра Гәынба иқәиргылаз ахықәкы — шықәсык ахь 5 млн атуристцәа атәыла радыԥхьалара анагӡареи ирыцхраауеит ҳәа иазыԥшуп.
Жәларбжьаратәи амаршрут аусура аларгара ргәы иҭоуп 2027 шықәсазтәи аԥхын алагамҭазы.
Аӡбамҭа рыдыркылеит абҵара 18 рзы Москва имҩаԥысуаз Адунеи Ажәларқәа Рассамблеиа атуризм азы Ахеилак аилатәараҿы.
Аусмҩаԥгатә иалахәын Урыстәыла Аҳәынҭқарратә Думеи, Аԥсны Аиҳабыреи Апарламенти, Ҟрым аминистрцәа Рхеилаки, Краснодартәи атәылаҿацә ахадареи рхаҭарнакцәа. Апроект ҿыц Алада Урыстәыла аҭоурыхтәи акультуратәи обиектқәа еидызкыло, 10 млн инареиҳаны атуристцәа здызыԥхьалаз амаршрут "Боспортәи аҳра ахьтәы мацәаз" иацнаҵоит.
Аԥсны атуризм аминистр Асҭамыр Логәуа ажәалагала ҟаиҵеит амаршрут иалагалазарц Пицунда, Аҟәа, Очамчыра рантика-византиатә баҟақәа, Ешыратәи ақалақь маҷ – ажәытә Питиус, Диоскуриада, Гиуенос.
Ҟрым аԥыза-министр ихаҭыԥуаҩ Георги Мурадов ирыдигалеит Аԥсни Урыстәылеи заатәи Абжьарашәышықәсазтәи византиатәи ауахәамақәа маршрутла реидкылара, иара убас аӡы зҵалаз антикатә қалақьқәа, Диоскуриагьы уахь иналаҵаны, рахь аӡаҵаҟатәи аекскурсиақәа реиҿкаара.
Апроект атуристтә еимадарақәа рыҿиареи Аԥсны ахада Бадра Гәынба иқәиргылаз ахықәкы — шықәсык ахь 5 млн атуристцәа атәыла радыԥхьалара анагӡареи ирыцхраауеит ҳәа иазыԥшуп.
Жәларбжьаратәи амаршрут аусура аларгара ргәы иҭоуп 2027 шықәсазтәи аԥхын алагамҭазы.
