Хра злоу ахҭысқәа - иалкаау аполитикатә, асоциалтә, акультуратә хҭысқәа. Ҳара урҭ ҳрылацәажәоит, ахәшьара раҳҭоит, алкаа рзыҟаҳҵоит.
Агәыҳалалратә демографиатә фонд "Аԥсны" анапхгаҩы, ақьаӷьариа Нанули Басныкԥҳа (Сыҷынаа) арадио Sputnik аҟны еиҭалҳәеит адемографиа азҵаара ацхрааразы инарыгӡо аусурақәа ртәы, аҭаацәара алалара зҭаху, аха зықәра иахыԥахьоу шеибадырдыруа, убри аан ахацәа зышьҭоу аҭыԥҳацәа шаҟа рхыҵуазар рҭаху, урҭ рацәажәараан ирарҳәо атәы.
Урыстәыла Агәабзиарахьчара аминистрра аекспертцәа русуратә аҭаара алҵшәақәа ирызку аилацәажәара мҩаԥыргоит Агәабзиарахьчара аминистр Ҭамаз Ҵахнакьиа дадгаланы.
Иахьазы Аԥсны акоронавирус здырбалахьоу рхыԥхьаӡара 107-ҩык рҟынӡа инаӡоит. Урҭ рахьтә 37-ҩык ргәы бзиахеит, хҩык рыԥсҭазаара иалҵит.
Аҟәа ақалақь амш азы иаатыз ацәыргақәҵа "Аҟәа – есымша иуцу аныҳәа" шьақәгылоуп ХХ-тәи ашәышықәсеи ҳаамҭазтәии аԥсуа сахьаҭыхыҩцәа Аҟәа иазку рҭыхымҭақәа 40 рыла.
