АҞӘА, ԥхҷ 12 – Sputnik. Ареспубликатә уаажәларратә, ветерантә хеилак "Аруаа" ахантәаҩыс далхуп Леон иорден занашьоу Илиа Гәниа.
"Аруаа" ԥыхьатәи ахантәаҩы Витали Габниа нанҳәымза 24, 2014 шықәсазы Аԥсны Ахада ихаҭыԥуаҩс далхын.
Аизара алахәылацәа иара убас ишьақәдырӷәӷәеит "Аруаа" иреиҳаӡоу асовет.
Аҧсны Аџьынџьтәылатәи еибашьра аветеранцәа еидызкыло Ареспубликатә уаажәларратә Хеилак "Аруаа" хықәкыс иамоуп аибашьра аветеранцәа рызҵаарақәа рыӡбара, иара убасгьы, активла ахы аланырхәуеит ауаажәларратә-политикатә ԥсҭазаара. "Аруаа" алахәылацәа рхыԥхьаӡара 1000-ҩык рҟынӡа инаӡоит.
