Аҧсуаа иазгәарҭоит аныҳәа хадақәа ируаку Ажьырныҳәа

© Sputnik Томас ТхайцукАпацха
Апацха - Sputnik Аҧсны
Анапаҵаҩра
Ажьырныҳәа азгәарҭоит иара ахьӡ зыхҵоу амза 13 ауха, уи аҧсуаа итрадициатәу ретникатә религиа иаҵанакуа аныҳәа хадақәа ируакуп.

АҞӘА, ажь 13 – Sputnik, Наала Аҩӡҧҳа. Ажьырныҳәа – ижәытәӡатәиу ныҳәоуп. Аҵарауаа изларҳәо ала, уи ҩ-нызқь шықәса инеиҳаны иахыҵуеит.

Ажьырныҳәа аҭаацәаратә, абиҧаратә ныҳәоуп, иагьидҳәалоуп ажьира анҵәахәы. Ари аныҳәа азгәарҭоит ажьира змоугьы измамгьы.

"Аҭаацәа аиҳабы Анцәа диашьапкуеит, диҳәоит иҭаацәа дырхылаҧшырц, ацәгьа иаҟәигарц, арыцҳара иацәихьчарц. Иара убас аихалых аиха, аигәышә уҳәа, ҧырхага рнамҭарц", — лҳәеит аетнолог, Аҧсуаҭҵааратә институт аусзуҩ Марина Барцыцҧҳа.

Ажьира змоу аҭаацәарақәа рыцыҧхьаӡа арбаӷьқәа шьны, иара убас ашьтәа агәыи агәаҵәи, аҩыцқьеи, акәакәарқәеи рыманы ажьираҿы ицаны иныҳәоит, рыцԥхьаӡа ацәацқьа иалху ацәашьқәа рзадыркуеит. Ажьира змамагьы аныҳәа иаԥылоит, аха урҭ рритуалқәа акыр еиҳа имариоуп.

Аныҳәа адырҩаҽны аҧсуаа еиҭанеиааиуеит, агәылацәеи, ауацәеи еидныҳәалоит. Ари амш азы аҵак ҷыда рымоуп ауаҩы ииҳәои иҟаиҵои зегьы.

© Sputnik Томас ТхайцукОчаг
Очаг - Sputnik Аҧсны
Очаг
Ажәабжьқәа зегьы
0